Khit Thit Morning News | 13 July 2026

Khit Thit သတင်းဌာန၏ ဇူလိုင် ၁၃ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၃ ရက် မနက်ပိုင်း တင်ဆက်ပေးမယ့် သတင်းတွေကတော့ -မတရား ဖမ်းဆီးထိန်းသိမ်းခံထားရတဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ကျန်းမာရေးကောင်းမွန်နေပြီး ဆွေမျိုးတစ်ယောက်၊ အစ်မတစ်ယောက်လို သဘောထားပြီး စောင့်ရှောက် ပေးထားတယ်လို့ စစ်ကောင်စီခန့် နိုင်ငံခြားရေးဝန်ကြီး တင်မောင်ဆွေက အာဆီယံနိုင်ငံခြားရေးဝန်ကြီးတွေကို ပြောပါတယ်။ ဖက်ဒရယ်ဒီမိုကရေစီပြည်ထောင်စု ပေါ်ထွန်းရေးဦးဆောင်ကောင်စီ (SCEF) အနေနဲ့ မြန်မာ့ဒီမိုကရေစီရေးနဲ့ တော်လှန်ရေးကို ထောက်ခံတဲ့နိုင်ငံတွေကို ဆက်လက်သွားရောက်ဖို့ စီစဉ်ထားသလို၊ အာဆီယံအလှည့် ကျဥက္ကဋ္ဌနဲ့လည်း သီးခြားတွေ့ဆုံဖို့ရှိတယ်လို့ SCEF အတွင်းရေးမှူးအဖွဲ့ဝင်ဖြစ်ပြီး NUG နိုင်ငံခြားရေးဝန်ကြီး လည်းဖြစ်တဲ့ ဒေါ်ဇင်မာအောင်က ရန်ကုန်ခေတ်သစ်သတင်းဌာနနဲ့ သီးသန့်တွေ့ဆုံမေးမြန်းခန်းမှာ ပြောပါတယ်။ -ကချင်ပြည်နယ် ပူတာအိုခရိုင် ခေါင်လန်ဖူးဒေသမှာ စစ်ရေးပြင်ဆင်ပြီး တပ်စွဲထားတဲ့ စစ်ကောင်စီတပ်နဲ့ ဌာနေပြည်သူ့စစ် ပူးပေါင်းတပ်စခန်း ၂ ခုကို ကချင်လွတ်မြောက်ရေးတပ်မတော် KIA က တိုက်ခိုက်သိမ်းပိုက်ခဲ့ပြီး စစ်ကောင်စီဘက်က ၂၀ ကျော် သေဆုံးခဲ့တယ်လို့ KIA သတင်းရင်းမြစ်က ပြောပါတယ်။ -အမေရိကန်က အီရန်ကို တစ်ပတ်အတွင်း တတိယအကြိမ်မြောက် အပြင်းအထန် ဗုံးကြဲတိုက်ခိုက်ပြီးတဲ့နောက် အီရန်ဘက်ကလည်း ချက်ချင်းပြန်တုံ့ပြန်တဲ့အနေနဲ့ အိုမန်၊ ကာတာ၊ ကူဝိတ်၊ ဘာရိန်းနဲ့ ဂျော်ဒန်နိုင်ငံတွေမှာရှိတဲ့ အမေရိကန်စစ်ဘက်ဆိုင်ရာ နေရာတွေကို ဒုံးကျည်တွေနဲ့ ဒရုန်းတွေသုံးပြီး တိုက်ခိုက်ခဲ့သလို ဟော်မုဇ်ရေ လက်ကြားကိုလည်း ပိတ်လိုက်ပြီလို့ ကြေညာတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။