"Мадина" эмнеге жабылыш керек? Жаңы базардагы баа/ Аткаминерлер эмне дейт

Бүгүн, 28-июлда "Мадина" базарынын соодагерлери менен вице-мэр Атай Мураталы, Свердлов районун акими Медербек Амангелдиев жана жаңы базардын директору Алишер Абдилазизов жолукту. Чогулгандар "Мадинадан" кетпей турганын айтып ордунда калтырууну талап кылышты. Жаңы базардын директору мында бир чарчы метрин 3000 доллар, ижара акысы 20 доллардан башталарын тастыктады. Ал дагы 10 жылга гана берилмек. Бирок соңку нааразычылыктардан кийин бааларды карап чыгарын айтты. Кандай болору мэрия тарабынан түзүлгөн комиссиянын жыйынтыгы менен белгилүү болот. Ошондой эле керектүү шарттарды түзүүгө да макулдугун билдирди. Ал эми вице-мэр менен аким "Мадина" базарын жабууга эмне зарылчылык болду, ордуна эмне курулат?" деген суроого тайсалдап жооп бере албай коюшту. Деген менен соодагелерге "1-августка чейин базарды бошотуп коюу" билдирмесин жөнөтүшкөн.