Атамды мал сойгон бычак менен өлтүргөн/ Эксперттер кылмышкерди жазадан кутулттабы? Иштин чоо-жайы

Быйыл 3-майда Ысык-Көлдүн Ак-Суу айылында 47 жаштагы Турат Мукалаев киши болду болгон. Ал классташы досу той кылып Бишкектен атайын барган. Алар куда тосууга камынып жүргөн маалда сырттан 48 жаштагы Бакыт Исаев аттуу айылдашы келип, "эмне ордуңдан туруп учурашпайсын" деп араздаша кеткен. Ал ошону менен токтоп калбай түнү менен жаңжал салып, Туратты издейт. Эртеси да телефонуна 16 жолу чалып, өзү отурган досунун үйүнө чакырат. Турат дарбазадан кирери менен мал сойгон чоң бычак менен сайып жиберген. Бычак 17 см кирип, жүрөгүнө да тийген. Ал ооруканага жетпей каза болгон. Маркумдун үй-бүлөсү, жакындары кылмышкер жазадан кутулууга аракет клылып жатат деп ызаланып бизге кайрылышты. Анткени айыпкер Бакыт Исаевди (мурунку фамилиясы Дубанаев) эксперт-психологдор Вероника Терехова менен Юлдуз Сабитова "аффект абалында кылмыш жасаган" деп корутунду жазып берген. "Мындай шартта кылмышкердин жазасы жаңилдейт, ушинтип эле кутулуп кеткен атат" деп тынчсызданышууда. Турат Мукалаевди жакындары чымындын да канатын кайрыбаган ак көңүл, камкор адам эле деп эскеришет. Артында жубайы, чиедей бир кызы жана эки баласы калды. Кылмыш кандай жасалган, тергөө кандай жүрүп жатат, президентке кайрылыган кызына эмнеге басым кылышкан жана тараптардын пикирлерин ушул материалдан көрө аласыздар.