Espíritu Maubai Reafirma Luta bá Independênsia, Liberdade no Dignidade"

Primeiru-Ministru (PM), Kay Rala Xanana Gusmão deklara katak, espíritu Maubai reafirma vontade metin atu kontinua luta bá Independênsia, bá liberdade no bá dignidade. Primeiru-Ministru deklara asuntu ne’e iha okaziaun selebrasaun 24.º aniversáriu Restaurasaun Indenpendénsia bá dala-24 ne’ebé realiza iha Arkivu Muzéu Rezisténsia Timorense (AMRT) segunda (18/05/2026). Xefe Governu dehan, halibur-malu iha-ne’e, iha Uma Lulik ida ne’ebé konsagra bá erói sira no bá memória nasionál – Arkivu no Muzéu Rezistênsia Timorense – atu selebra tinan 24 Restaurasaun bá Independência Repúblika Demokrátika Timor-Leste nian.