Simu Prémiu Jorge Miranda, PM Xanana Dehan Distinsaun ne’e Pertense bá Povu Timor-Leste

LISBOA, PORTUGAL, 25 Juñu 2026 – Primeiru-Ministru Timor-Leste, Kay Rala Xanana Gusmão, simu “Prémiu Professór Doutór Jorge Miranda – Konstituisaun no Direitus Umanus” iha Aula Magna Reitoria Universidade de Lisboa, hodi afirma katak distinsaun ne’e pertense bá povu Timor-Leste tomak. Iha serimónia entrega prémiu ne’e, PM Xanana Gusmão hateten prémiu la’ós onra pessoál, maibé reprezenta luta kolektiva povu Timor-Leste nian ne’ebé sofre no luta to’o hetan independénsia, liberdade no Estadu rasik. Konstituisaun Repúblika Demokrátika Timor-Leste, aprovadu iha tinan 2002, sai hanesan baze fundamentál bá Estadu demokrátiku, direitus umanus no Estadu de direito. Tanba ne’e Xanana Gusmão mós hato’o obrigadu bá Assembelia Konstituinte ne’ebé lidera prosesu konstitusionál ne’e.