Maun Boot Xanana, Avô Nana (Ofisial Múzika )

Labarik Timor-oan sira oferese múzika ida dedikadu espesiál bá Primeiru-Ministru Timor-Leste, Kay Rala Xanana Gusmão, ne’ebé komemora aniversáriu bá dala 80 iha loron 20 Juñu. Iha letra múzika ne’e, labarik sira hato’o apresiasaun bá Xanana Gusmão nu’udár erói bo’ot bá luta libertasaun Timor-Leste, libertasaun povu no lider ne’ebé sai ezemplu bá jerasaun foun Timor-oan sira. Labarik sira mós hato’o sira-nia fiar katak valór, lideransa no ezemplu hosi Xanana Gusmão bele inspira povu Timor-Leste atu kontinua hametin unidade no dezenvolvimentu nasaun nian, hodi lori rai Timor bá futuru ne’ebé di’ak liu. Múzika refere tuir loloos lansa ofisialmente iha komemorasaun aniversáriu Primeiru-Ministru nian iha 20 junu oras Timor Leste maibe tanba Xefe Governu halao hela vizita traballu iha Portugal,nunee lansamentu tuir odata no oras Lisboa nian. Iha okaziaun ne’e, Xanana Gusmão apresia tebes inisiativa hosi labarik Timor-oan sira no hato’o agradese bá omenajen ne’ebé oferese espesiálmente iha nia aniversáriu bá dala 80. (MAUN BOOT XANANA, AVÔ NANA) •⁠ ⁠Letra: Milena Rangel •⁠ ⁠Compositoras : Milena Rangel e JKawengian •⁠ ⁠Cantores Jovem: Alda, Marvi, Kika, Jeanette, Sebastiana, Valdomar, Ricardo. •⁠ ⁠Cantores Crianças: Pricya, Gianessa, Michella, Amoreiza, Angel, Mercedita, Maira, Tasyah, Alexander, Fatmiano, Juan, Neo, Olo, Socrates. •⁠ ⁠Piano: Siba •⁠ ⁠Produção Música: Jimmy Campos. •⁠ ⁠Filmagem: Zyno Pinto-Jully Centro ____________________________________________________________________________________________