WATUHUMIWA WATATU MAUAJI YA MWANAFUNZI WA MZUMBE ALIYEUAWA KWA KUCHOMWA MOTO WAFARIKI DUNIA

Jeshi la Polisi Mkoa wa Mbeya linawashikilia watuhumiwa watatu kwa tuhuma za mauaji ya Shyrose Mabula, aliyekuwa mwanafunzi wa Chuo Kikuu Mzumbe, ndaki ya Mbeya. Mwanafunzi huyo alidaiwa kupotea tangu Septemba 14, na mwili wake ulipatikana Septemba 16 ukiwa umechomwa moto katika Kata ya Isyesye, jijini Mbeya. Tukio hilo liliibua hofu na hasira miongoni mwa wananchi na wanasiasa wa eneo hilo. Akizungumza leo Jumatatu, Septemba 29, 2025, Kamanda wa Polisi Mkoa wa Mbeya, SACP Benjamin Kuzaga, amesema Jeshi la Polisi lilianza uchunguzi mara moja na kufuatilia washtakiwa hao, ambao hatimaye waliwakamata. Hata hivyo, watuhumiwa hao walifariki dunia wakati wakipelekwa hospitali kwa matibabu. Kamanda Kuzaga ameongeza kuwa uchunguzi unaendelea ili kubaini washirika wengine wowote walioweza kuhusika katika kisa hiki cha mauaji. Video na Sadam Sadick