Khit Thit Afternoon News | January 17, 2026

Khit Thit သတင်းဌာန၏ ဇန်နဝါရီ ၁၇ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၇ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -မြန်မာနိုင်ငံမှာ မူးယစ်ဆေးဝါးထုတ်လုပ်ရောင်းချ မှုတွေနှင့် ကမ္ဘာကို ဒုက္ခပေးနေတဲ့ ကျားဖြန့်ငွေလိမ်ဂိုဏ်း တွေ ကြီးထွားလာတာတွေမှာ မင်းအောင်လှိုင် ဦးဆောင်တဲ့ စစ်တပ်က ထဲထဲဝင်ဝင် ပါဝင်ပတ်သက်နေပြီး စစ်အာဏာရှင်စနစ်ချုပ်ငြိမ်းသွားမှဘဲ မူးယစ်ဆေးဝါးတွေနှင့်ကျားဖြန့်ဂိုဏ်းတွေ နိဂုံးချုပ်မယ်လို့ KNU ပြောရေးဆိုခွင့်ရှိသူ ပဒို စောတောနီးက ပြောပါတယ်။ မကွေးတိုင်း၊ စလင်းမြို့မြို့နှင့် ဆင်ဖြူကျွန်း မြို့ပေါ်မှာရှိတဲ့ ဆေးရုံ၊ ရပ်ကွက်တွေကို အကြမ်းဖက် စစ်တပ်က ၃ ရက်ဆက်တိုက် ဝင်ရောက် ပေါ်တာဆွဲ ဖမ်းဆီးတာကြောင့် လူငယ် ၆၀ ကျော် ဖမ်းဆီးခံရပြီး ငွေကြေးပေးနိုင်တဲ့ လူငယ် ၆ ဦးကို ငွေကျပ် ၁၆၅ သိန်းနဲ့ ပြန်လွှတ်ပေးခဲ့တယ်လို့ ပြည်သူ့ ညီနောင်-စလင်း သတင်းတာဝန်ခံ ကိုပြည်သူက ရန်ကုန်ခေတ်သစ် ကိုပြောပါတယ်။ မကွေးတိုင်း၊ ကံမမြို့နယ်မှာ အကြမ်းဖက် စစ်တပ် စစ်ကြောင်းကို ကြားဖြတ်တိုက်ခိုက်ခဲ့တာကြောင့် စစ်သား ၇ ဦးသေဆုံးပြီး စစ်တပ်က ကျေးရွာတွေကို စစ်ကြောင်းထိုး မီးရှို့နေတာကြောင့် ရာနှင့်ချီတဲ့ ပြည်သူတွေ တိမ်းရှောင်နေရတယ်လို့ သရက်ခရိုင် အမှတ်-၄ တပ်ရင်းရဲ့ သတင်းနှင့်ပြန်ကြားရေးတာဝန်ခံ ကိုမြတ်က ရန်ကုန်ခေတ်သစ်ကိုပြောပါတယ်။ -အီရန်နိုင်ငံမှာ လူသေဆုံးမှုများပြားခဲ့တဲ့ အကြမ်းဖက်နှိမ်နင်းမှုတွေအပြီး အခြေအနေတွေဟာ ပြန်လည်ငြိမ်သက်သွားခဲ့ပေမဲ့၊ သောကြာနေ့မှာတော့ အီရန်ထိပ်တန်း ဘာသာရေးခေါင်းဆောင်တစ်ဦးက ဖမ်းဆီးထားတဲ့ ဆန္ဒပြသူတွေကို သေဒဏ်ပေးဖို့ တောင်းဆိုလိုက်သလို အမေရိကန်သမ္မတ ဒေါ်နယ်ထရန့်ကိုလည်း တိုက်ရိုက်ခြိမ်းခြောက်လိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။