Zafar Iqbal recites his ghazal نکلنا چاہیے اب حُسن کی دیوار سے آگے

ظفر اقبال نکلنا چاہیے اب حُسن کی دیوار سے آگے کہ منظر اور بھی ہوں گے کئی دیدار سے آگے وڈیو کے لیے شکریہ : محمد فاروق راؤ ( فائن لائن رکارڈز) نکلنا چاہیے اب حُسن کی دیوار سے آگے کہ منظر اور بھی ہوں گے کئی دیدار سے آگے ہمیں ظالم تھے اور ہم ہی لگے مظلوم کہلانے اگر دیکھو ہماری شوخیِ گفتار سے آگے ہر اک اُفتاد کا اندازہ کر لیتے ہیں پہلے ہی خبر چلتی ہے اب کے دو قدم اخبار سے آگے پھنسے ہیں خوشنما آسانیوں کے جال میں آخر پہنچنا تھا جنہیں اس وادیِ دشوار سے آگے میں کہتا رہ گیا احباب سے، کچھ بھی نہیں ممکن گُل و گلزار سے باہر، لب و رخسار سے آگے شریفوں کا یہ شیوہ تو نہیں ہے اے ظفر ،لیکن قدم رکھنا پڑا اُس کی حدِ اقرار سے آگے ظفر اقبال