Tabish Dehlvi recites his ghazal زخمِ جاں ہے کہ گُلِ تر کوئی ایک خوشبو سے مہک جاتا ہوں

تابش دہلوی تا سما، تا بہ، سمک جاتا ہوں مگر چلتا ہوں ۔ تھک جاتا ہوں !! زخمِ جاں ہے کہ گُلِ تر کوئی ایک خوشبو سے مہک جاتا ہوں عقل یا عشق ہے میری منزل اِس دوراہے پہ بھٹک جاتا ہوں ذات کا نشہ الہی توبہ !! دن میں سو بار بہک جاتا ہوں کوزہ ہوں چاک کا لیکن نازک تیز گردش سے دَرک جاتا ہوں ضربِ پیہم کی ضرورت کیوں ہو ایک تھپکی میں ہُمک جاتا ہوں آتی جاتی ہیں جو کوئے جاں سے اُن ہواؤں میں سَنک جاتا ہوں کبھی دشنام گوارا تو کبھی حرفِ سادہ سے چمک جاتا ہوں تیرگی کیسی ہی یلغار کرے شعلہؑ جاں سے دمک جاتا ہوں میں تو ہوں شاخِ ثمرور تابش ٹوٹتا کم ہوں، لچک جاتا ہوں تابش دہلوی