रामरक्षा प्रवचन-४५ | रामभक्त जांबुवंताकडून आम्ही कुठला गुण घ्यावा? : ‘जाम्बवदाश्रय’ रामाचे रहस्य

रामरक्षेवरील प्रवचनांमध्ये, ‘मध्यं पातु खरध्वंसि’ ह्या महत्त्वाच्या पंक्तीवरील विवेचनात ‘खर’ राक्षसाच्या चौदा सेनापतींचे वर्णन केल्यानंतर, दि. २९ डिसेंबर २००५ रोजी केलेल्या रामरक्षेवरील प्रवचनात सद्गुरु अनिरुद्ध बापू, त्यापुढील पंक्तीकडे म्हणजेच ‘नाभिं जाम्बवदाश्रय:’ कडे आपल्याला घेऊन जात आहेत. श्रद्धावानाला प्रभु श्रीरामापर्यंत पोहोचू देण्यात अडथळे आणणार्‍या ‘खर’ राक्षसाच्या चौदाही सेनापतींचा व खराचा देखील, अर्थात परमार्थाला घातक ठरणार्‍या, मानवी स्वभावातील विशिष्ट चुकीच्या सवयींचा, चुकीच्या धारणांचा, ह्या टप्प्यावर विनाश झालेला आहे व श्रद्धावानाचा मार्ग मोकळा झालेला आहे. त्यानंतर अत्यंत अर्थगर्भितपणे - ‘नाभिं जाम्बवदाश्रय:’ अर्थात ‘जांबुवंताला आश्रय देणारा राम माझ्या नाभीचे रक्षण करो’ - ही पुढील पंक्ती येते, असे सद्गुरु बापू इथे स्पष्ट करतात. आता ‘नाभी’ आणि ‘जांबुवंत’ ह्यांचा संबंध काय, हे उघड करण्याआधी आमच्या शरीरातील ‘नाभी’ ह्या अवयवाचे शरीरशास्त्रानुसार व आध्यात्मिक दृष्टीने महत्त्व ते समजावून सांगतात. त्याचबरोबर जांबुवंताचीही माहिती ते इथे करून देतात. रामायणकालापासून असलेला हा ‘जांबुवंत’ पुढे हजारो वर्षांनी झालेल्या कृष्णावतारातही दिसतो, हे कसे काय? असा प्रश्न कोणाला पडू शकतो. कारण आपल्याला माहीत असलेल्या सप्तचिरंजीवांमध्ये जांबुवंताचे नाव नाही; मग हे कसे काय, त्यामागील आध्यात्मिक रहस्य ते इथे उलगडून सांगतात. त्याचबरोबर आम्ही सतत, केवळ दुसर्‍याशीच नव्हे, तर स्वत:शी, निसर्गाशी, अगदी परमेश्वराशी सुद्धा कसे ‘कृतघ्न’ होत असतो, हे सद्गुरु बापू इथे आमच्या दैनंदिन व्यवहारातील नेहमीच्या उदाहरणांद्वारे स्पष्ट करतात व परमेश्वराला सगळ्यात आवडणारा गुण कुठला व हा महत्त्वाचा गुण जर आमच्याकडून पाळला गेला नाही, तर त्याचा आमच्या दैनंदिन जीवनावर काय परिणाम होतो त्याबद्दलही ते शेवटी सावध करतात. #aniruddhabapu #ramraksha #ramayan ©℗ ---------------------------------- Join the WhatsApp Channel - https://whatsapp.com/channel/0029Vb9c... For more information about Sadguru Shree Aniruddha (Bapu) - Aniruddha Devotion Sentience site - https://aniruddha-devotionsentience.com/ Samirsinh Dattopadhye blog - https://sadguruaniruddhabapu.com Watch live events - https://www.aniruddha.tv Know more about the Devotional Services carried out under the guidance of Sadguru Shree Aniruddha (Bapu) - http://www.aniruddhasadm.com https://aniruddha-aadeshpathak.com ----------------------------------