सुखासीन पण भक्तिहीन परावलंबी जीवन तृप्ती व समाधान देईल का? | Aniruddha Bapu Pravachan

गेल्या काही दशकांमध्ये विज्ञान-तंत्रज्ञानाने प्रचंड प्रगती केलेली प्रत्येक क्षेत्रात आम्हाला दिसत आहे. एआय आणि ऑटोमेशनमुळे जगाच्या व्यवहारांत मोठे क्रांतिकारी बदल झाले आहेत. परंतु आज ऑटोमेशनच्या जमान्यात मानवाचे कष्ट कमी होताना दिसत असले, तरी मानव मात्र अधिकाधिक परावलंबी बनताना दिसत आहे. ऑटोमेशनचा शोध जरी मानवाची सेवा करण्याच्या उद्देशाने लावला गेला असला, तरी हा 'सेवक' जणू मानवाचा मालक बनताना दिसत आहे. पण 'परावलंबी जीवन आणि पुस्तकी विद्या' कधीच कामाला येत नसते. सद्‌गुरु अनिरुद्ध बापूंनी गुरुवार दिनांक २५ जून २०२६ रोजी केलेल्या पितृवचनाची सुरुवात ह्याच परावलंबित्वाच्या विषयावर केली. आजच्या पितृवचनात ज्या शिवभक्ताची कथा त्यांनी सांगितली, ती हे परावलंबित्व अधोरेखित करणारीच होती. सामान्य परिस्थितीतून स्वकष्टाने उत्कर्ष पावलेल्या एका सावकाराची ही कथा होती. गरिबीतून वर आलेला असला तरी पैसा आल्यावर तो हळूहळू एका सुरक्षित चाकोरीत बद्ध झालेला आहे. सुखासीन चाकोरीबाहेरचा विचारच तो करत नाही. मात्र जेव्हा त्याची 'वेळ' येते तेव्हा तो परम करुणामयी परमात्मा अशी काही लीला करतो की ह्या भक्ताला, 'आपले काहीतरी चुकतेय' ह्याची जाणीव होते. तो 'ज्ञानोपदेष्टारं' असणारा शिव जेव्हा त्याला त्याच्या चुकीच्या धारणांच्या बाबतीत आरसा दाखवतो, तेव्हा तो अंतर्मुख होतो आणि त्याला कळून चुकते की छोट्या छोट्या गोष्टींमध्येही आपले परावलंबित्व किती वाढलेय व त्यामुळे तो कसा जीवनातल्या छोट्या-छोट्या आनंदांना मुकतो आहे, पैसा, बेगडी प्रतिष्ठा ह्यांच्या मागे लागल्याने खरेखुरे ‘जगणे’ विसरलेला आहे. शेवटी तो शिवाचे वाहन असणारा नंदी त्याला जाणीव करून देतो की सगळे जग ज्याच्यावर अवलंबून आहे असा देव आणि हा सावकार ज्यांवर अवलंबून राहतो अशा इतर गोष्टी व माणसे, ह्यांच्यातील सर्वांत मोठा फरक काय आहे. तेव्हा त्याचे डोळे उघडतात, तो पूर्णपणे बदलतो आणि भक्तिमार्गात स्थिर होतो व अखेर देव त्याचा उद्धार करतो. ह्या कथेच्या माध्यमातून सद्गुरु बापूंनी जणू सर्वांनाच आरसा दाखवला की जीवनामध्ये....अगदी भक्तिमार्गामध्ये आल्यावरसुद्धा आम्ही देवाच्या बाबतीत कसा चुकीचा विचार करत असतो व आम्हाला कुठल्या चुकीच्या धारणा सोडून दिल्या पाहिजेत. शेवटी बापूंनी कळकळीने सांगितले की देवाचे तुमच्यावर खूप प्रेम आहे हे कधीही विसरू नका. कथेच्या ओघाओघात बापूंनी श्रद्धावानांकडून - • ‘शिवशंकर शंभो जय जय शिवशंकर शंभो’, • ‘धावा धावा महादेवा, अनाथांच्या नाथा तुम्ही धावा’, • ‘भवं भवानीसहितं नमामि, भवानीशंकर, भवानीशंकर’, • ‘जय जय गौरीशंकर जय जय’ • हे सुंदर गजर करून घेतले. #AniruddhaBapu #bhajanclubbing #devotionalstories ©℗ ---------------------------------- Join the WhatsApp Channel - https://whatsapp.com/channel/0029Vb9c... For more information about Sadguru Shree Aniruddha (Bapu) - Aniruddha Devotion Sentience site - https://aniruddha-devotionsentience.com/ Samirsinh Dattopadhye blog - https://sadguruaniruddhabapu.com Watch live events - https://www.aniruddha.tv Know more about the Devotional Services carried out under the guidance of Sadguru Shree Aniruddha (Bapu) - http://www.aniruddhasadm.com https://aniruddha-aadeshpathak.com ----------------------------------