रामरक्षा प्रवचन ४२ | भक्तिमार्गातील अदृश्य कपट — खरध्वंसी राम उलगडत असलेलं सत्य | Aniruddha Bapu

रामरक्षेवरील प्रवचनांमध्ये ‘मध्यं पातु खरध्वंसि’ ह्या महत्त्वाच्या पंक्तीवरील विवेचन सुरू आहे. मागील प्रवचनात ह्या ‘खर’ राक्षसाच्या चौदा सेनापतींपैकी ‘बकपाद’ व ‘विपाद’ ह्या पुढील दोन (क्र. ७ व ८) सेनापतींची माहिती दिल्यावर, दि. २४ नोव्हेंबर २००५ रोजी केलेल्या रामरक्षेवरील प्रवचनात सद्गुरु अनिरुद्ध बापू, त्यापुढील दोन सेनापतींविषयी माहिती सांगतात. ‘गजदंत’ व ‘गजशुंड’ अशी ह्या पुढील दोन सेनापतींची नावे आहेत. म्हणजेच ‘हत्तीचा दात’ व ‘हत्तीची सोंड’. सद्गुरु बापूंनी आपल्याला सुरुवातीलाच सांगितले की खर राक्षसाचे हे चौदा सेनापती म्हणजे माणसाला भक्तिमार्गापासून परावृत्त करण्यासाठी विविध मार्गांनी उभे केले जाणारे अडथळेच आहेत, माणसाच्या स्वभावातील विविध वाईट प्रवृत्तींच्या रूपाने. ह्या चौदांपैकी पहिले आठ सेनापती जेव्हा ह्या कामात असफल होतात व मारले जातात, तेव्हा हे पुढचे दोन सेनापती (क्र. ९ व १०) पुढे सरसावतात. आता खराच्या ह्या कामात, हत्तीच्या दाताचा आणि हत्तीच्या सोंडेचा काय संबंध असू शकतो, हे उलगडून सांगताना सद्गुरु अनिरुद्ध प्रथम हत्तीच्या दातांची व सोंडेची शारीरिक रचना समजावून सांगतात व हे ‘गजदंत’ आणि ‘गजशुंड’ राक्षस आमच्यातच कसे दडलेले असतात, हे ते आमच्या दैनंदिन जीवनातील दररोजच्या उदाहरणांतून दाखवून देतात. तसेच एकदा का ह्या दोन राक्षस सेनापतींनी आमच्या जीवनात पाय रोवले की मग आम्ही इतरांशी वागतानाच नव्हे, तर देवाशी वागतानाही कसे खोटे आचरण करतो, ते सद्गुरु बापू उदाहरणांसहित स्पष्ट करतात. त्या अनुषंगाने, आम्ही जो धर्मशास्त्राचा आपापल्या सोयीनुसार चुकीचा अर्थ लावून नैवेद्य, उपवास, श्राद्ध-तर्पण, व्रतवैकल्ये इत्यादिंबाबत जे चुकीचे आचरण करतो, त्याकडे लक्ष वेधतात. सरतेशेवटी, देवाशी आचरण कसे असावे, हे ते साईसच्चरितातील चाँदपाटील, म्हाळसापती, हेमाडपंत ह्यांच्या कथांद्वारे; आणि देवाशी खोटे आचरण केले की कशी गत होते, हे कृष्ण-सुदामा कथेद्वारे उलगडून सांगतात व ह्या ‘गजदंत’ आणि ‘गजशुंड’ राक्षस सेनापतींना आमच्या जीवनातून हद्दपार करायचा राजमार्गही दाखवतात. ‘मध्यं पातु खरध्वंसि’ पंक्तीचा प्रवास पुढील प्रवचनातही असाच चालू राहणार आहे. Previous Ramraksha Pravachan -    • भक्ताला ‘रावणाच्या कोर्टातून’ ‘रामाच्या को...   #AniruddhaBapu #Ramraksha #ramayan ©℗ ---------------------------------- Join the WhatsApp Channel - https://whatsapp.com/channel/0029Vb9c... For more information about Sadguru Shree Aniruddha (Bapu) - Aniruddha Devotion Sentience site - https://aniruddha-devotionsentience.com/ Samirsinh Dattopadhye blog - https://sadguruaniruddhabapu.com Watch live events - https://www.aniruddha.tv Know more about the Devotional Services carried out under the guidance of Sadguru Shree Aniruddha (Bapu) - http://www.aniruddhasadm.com https://aniruddha-aadeshpathak.com ----------------------------------