Edi Rama inauguron nisjen e punimeve për rrugën Tiranë-Kombinat - (20 Gusht 2002)

Lajme Arkiva - TV Klan 2002 1200 metra rrugë hyrëse në kryeqytet nga kryqëzimi i “21 Dhjetorit”, deri tek shkolla Teknologjike, do të rehabilitohen tërësisht duke ndryshuar pamjen që ka aktualisht kjo rrugë. Punimet kanë nisur në këtë aks, ku do të zbatohet projekti i Bashkisë së Tiranës, i cili parashikon zgjerimin, si edhe ndërhyrjen në rrjetin ujësjellës-kanalizime, ndriçimin dhe trotuare të rinj në të dy krahët. Kryetari i Bashkisë së Tiranës Edi Rama, në inaugurimin e këtyre punimeve u shpreh: Kryebashkiaku Edi Rama:- “Ky projekt i cili është në dy pjesë, përfshin njërën pjesë që fillon sot nga shkolla Teknologjike deri këtu, tek kryqëzimi i “21 Dhjetorit”, duke e kthyer këtë hyrje të Tiranës në një hyrje realisht spektakolare dhe një pjesë tjetër do të fillojë së shpejti me lidhje nga fabrika e Birrës deri në Kombinat. Kështu që përfundimisht këtë vit ne mbyllim rrugën Kombinat-Tiranë, e cila nga një rrugë e vështirë që zgjat në kohë për një makinë, aq sa zgjat nga Tirana në Romë me avion, do kthehet në një rrugë normale ku njerëzit do shkojnë e do vijnë normalisht”. Ky aks do të jetë me dy korsi, duke qenë në të njëjtat parametra me rrugën e Kavajës. Afati i punimeve është parashikuar për një periudhë 9 mujore, ndërkohë që shuma që do të përdoret është mbi 270 milion lekë të reja, fond ky nga të ardhurat e vetë Bashkisë së Tiranës./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/