Edi Rama në emisionin “Opinion” përball analistëve - (13 Janar 2006)

Lajme arkiva 2006 Kryetari i Partisë Socialiste njëkohësisht kryetari i Bashkisë të Tiranës Edi Rama u përball të enjten në studio e emisionit “Opinion” të gazetarit Blendi Fevziu me panelin e analistëve për t’ju përgjigjur pyetjeve mbi zhvillimet e fundit në vend. Shefi aktual i Partisë Socialiste gjatë bisedës në studion e Televizionit Klan, shpjegoi pozicionin e tij pas akuzave për abuzimet me lejet e ndërtimit, për debatin e hapur të mbikalimit tek “Zogu i Zi”, për reformimin Partisë Socialiste, 100 ditët e qeverisë të demokratëve. Ndërsa ka shmangur çdo koment mbi Fatos Nanon, karrigen e të cilit zuri pas dorëheqjes në muajin shtator të vitit të kaluar. Edi Rama: “Partia Socialiste që unë drejtoj, unë s’flas për Partinë Socialiste përpara, flas për Partinë Socialiste që unë drejtoj. Pra për këtë Parti Socialiste që është në opozitë me zotin Berisha prej 100 ditësh. Është e vetmja forcë politike qysh kur jemi në pluralizëm që ka kërkuar ndjesë publike për të gjitha ato që nuk bëri, ose që bëri keq gjatë qeverisjes së saj.” Gjatë bisedës në studio në “Opinion”, Rama i ka quajtur shpifje deklarimet e ministrit Basha për abuzimet me lejet e ndërtimit, duke thënë se ministri kur akuzon bazohet vetëm mbi thashetheme. Ndërsa ka shtuar se ai vetë nuk akuzon askënd pa patur prova dhe fakte. Rama është mbrojtur për lejet e ndërtimit, duke u betuar edhe në nderin e familjes së tij. Edi Rama: “Paska disa njerëz që paguakan Gramoz Ruçit 8 euro për metër katror. Unë po ju them këtu, betohem në nderin e familjes time dhe betohem në shpirtin e tim eti që Gramoz Ruçit që kurse e njoh nuk ka ardhur kurrë në derën time për të kërkuar një leje ndërtimi.” Replikat e studios gjatë emisionit “Opinion” me analistët kanë ngulmuar gjatë momentit kur kryetari i Bashkisë të kryeqytetit ka rrëfyer për momentet e vështira që po kalon djali i tij. Edi Rama: “ Më shiko në sy. Nuk artikulonte dot, ta tregoj unë, kur ishte...” Rama ka shpjeguar platformën për mënyrën se si do të reformoi Partnë Socialiste. Duke thënë se do të përpiqet të ndryshoi mentalitetin e funksionimit të strukturave të saj. Edi Rama ka sulmuar qeverinë për 100 ditët e drejtimit të vendi, veçanërisht për bllokimin e punimeve të mbikalimit te “Zogu i Zi”. Kryetari i Bashkisë të Tiranës në fund të 3 orëve debat në Emisionin “Opinion” ka zbuluar edhe dhuratën, për t’ju përgjigjur ligjshmërisë të këtij debati./tvklan.al Gazetare: Sonila Agostini SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/