Edi Rama inauguron linjen e autobuseve Tirane-Laprake - (12 Qershor 2002)

Lajme Arkiva - TV Klan 2002 Ata që kanë udhëtuar sot nga Tirana për në lagjen periferike Laprakë, kanë vënë re shpeshtësi lëvizje dhe komoditet. Për këtë linjë, sot është vendosur shërbimi urban, duke mënjanuar furgonët që mbizotëronin për këtë transport. Pas një konkursi nga Bashkia e Tiranës, për transportin qytetas, shoqëria “Tirana Lines”, u përzgjodh të mbulojë me kontratë këtë linjë. Në inaugurimin e kësaj linje ka marrë pjesë edhe kryetari i bashkisë Edi Rama, duke udhëtuar me pasagjerët stacioneve për në Laprakë. Kryebashkiaku Edi Rama:- “Siç e shikoni, kjo linjë ofron një shërbim mjaft cilësor dhe njëkohësisht, një fluks plotësisht të qëndrueshëm, prej çdo tre minutash, duke respektuar të njëjtat çmime, duke respektuar abonetë, për veteranët, pensionistët dhe studentët, gjë që do të thotë, se i sjellim kryeqytetit, një standard të ri të transportit publik urban. Njëkohësisht bashkia, e cila do të mbajë disa linja të vetat do të jetë e detyruar të ofrojë një shërbim më të mirë, pasi siç e shikoni, këto autobusë janë të një niveli plotësisht të kënaqshëm”. Kjo është hera e parë që linjat urbane mbulohen nga privatë, të cilët duhet të zbatojnë çmimin e biletës, njohin kategoritë e invalidëve dhe veteranëve./tvklan.al Gazetare – Holta Zhiti SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/