"Dubrummaa jechuun maal jechu? ani hiika dubrummaa hin beeku" Dhaddacha Jaalalaa 31

Iyyannoo 1ffaa Galmee Iyyannoo 64 As wr wb kabajamtoota qopheessitoota qophii dhaddacha Jaalalaa, qophiin keesssan haalaan bareedaadha. Wanti nurraa irriftan guddaan yeroodha. Qophiin akkanatti mi’ooytu gaariin tun, daqiiqaa muraasa keessatti nu jalaa dhumti. Osoo yeroo itti nuu dabaltanii haalaan irraa gammanna jechaa gama iyyannoo tiyyaatti ceha. Ani Jaartii Bareedduu qaba. Haalaa amalli isiitis haalaan gaariidha. Inumaa anaaf namni akka isii bareedu dachii tanarra hin jiru. Isiin anaaf tokkoffaadha. Number 1. Ani umriidhaan isirra xiqqaadha. Gaafa wal fuunu san, ani waahee bultii hubannoo guddoos hin qabu. Wayta walitti dhufnu waan isii bira jiru naaf himte. Ati amma dura dubra birootiin walitti ida’amtee beeytaa? Jettee na gaafatte. Aniis lakki hin beekun jedheen. Isiin garuu akka dubrummaa hin qabne naaf himte. Dubrummaa dhabuun isii yeroo sanitti waan guddaa natti hin fakkaanne. Wayta san wanti naaf mullatte dubrummaa dhabuu isii qofa malee, dhiira birootiin walitti ida’amuu isiitii miti. Akka hundattuu walitti dhufnee bultii jaarrannee jiruu gammachuu eegalle. Eega nikaah godhannee bultii eegallee booda jaalalli keenya haalaan dabale. Anis haalaan isii jaaladha. Isiin hangan an isii jaaladhu caala na jaalatti. Turtii waggoota muraasaa booda dubbiin naaf galaa dhufte. Dubrummaa dhabuu jechuun maal jechuu akka tahe amma naaf galte. Jaartiin tiyya jaalatamtuun tun ana dura nama biroo wajji akka rafte hubadhe. Eega yaaddoon tun sammuu kiyya keessa yaa’uu eegaltee hirriiba nagayaa hin arganne. Keeysumattuu wayta gama firaashaa deemnu, bakkan ani jiru kana na dura nama birootu ture jechuudhaa jechaa if gaafadha. Wayta kana yaaddoon jabduun natti buutee maraachuuf na godha. Akkan isii firraa gaggeeysee dubra biroo hin laallaneefis, namni hanga isii natti bareedu hin jiru. Mee furmaanni kiyya maali. Karaa kamiin yaada hamaa kana if keessaa balleessuu dandaya. Gorsaafi murtii ulamaa’ii obsaanin eeggadha. Galatoomaa. Iyyannoo 2ffaa Galmee iyyannoo 65 As wr wb. Akkam jirtan qopheessitoota qophii dhaddacha Jaalalaa, qophii bareedduu nuuf dhiheessuu keessaniif guddoo isin galatoomfanna. Anis warra bultii jaarratee jiraachutti jirurraa takka. Anaafi abbaan manaa kiyya bultii jaarannee kabajaafi jaalalaan wajji jiraachutti jirra. Garuu wanti jaalala teenya booressutti jiru guddaan tokko gama isaatii argamee jira. Abbaan warraa kiyya maatii kiyya hin jaalatu. Yoo maatiin kiyya na bira dhufan, fuula guura. Fuula gammachuutiin hin simatu. Wanti kun hedduu hamilee na cabse. Yeroo ammaa kana an biyyarraa bahee biyya ormaatti dalagadha. waan dalagadhee argadhurraa muraasa ummaa tiyyaaf ergee, isaafis erga. Inni telefoona natti dawwalee, nama tokkollee hin gargaarin , haadha teetiifis wa takkaa hin ergin. Ati eega jaartii tiyya taatee, waan an siin jedhu hunda guututti parsantii 100 hojii irra oolchuu qabda. Waan hojjattu hunda eega naan marihattee booda, waan an siif hayyame qofa hojjatta. Ajajaafi hayyama kiyya malee wa takkallee hojjachuu shari’aan siif hin hayyamu. Kanaafuu mallaqa takkallee maatii keetiif hin ergin. Naan jedha. An wayta inni telefoonaan na dubbisu hayyee waan ati naan jette fudhadhee jira jedhaan. Garuu isa dhoysee ummaa tiyya numa gargaara. Mee furmaanni kiyya maali. Maal gochuu qaba. Murtii abbaa murtii obsaan eeggadha. Copyright Notice: Reuploading any of our videos or content to another YouTube channel or platform without our explicit consent is a violation of our copyright. We do not tolerate such actions. We actively monitor for unauthorised use of our content. If we discover that our content has been reuploaded without permission, we reserve the right to take appropriate legal action, including reporting the infringement to YouTube and requesting the removal of the unauthorised content.