Eegan Heerumee booda Gurbaa dur jaaladhu tasa arge - Dhaddacha Jaalalaa Doosee 14ffaa

Iyyannoo duraa. As wr wb. Akkam jirtan jaalatamtoota gaazexeessitoota islaamaa. Hodduu isiniin boonne, haalaan isinirraa gammanne. Hojii dinqisiisaa itti jirtan kana akkanumatti akka itti nuu fuftan isiniin jechaa, gama iyyannoo kiyyaatti dabra. Maqaan koo Ziyaad jedhama. Ani jireenya haaraya tana dhiheenyuma kana baatii 3 dura eegale. Jaartiin tiyya intala taajiraati. Abbaan dureessa beekamaadha. Manni isaanii waa hundaan guutu. Jaartiin tiyya tunis mana wanti hundi guutuu san keessatti guddatte. Jireenya qananii malee, guyyaa takkaafis rakkina argitee hin beeytu. Abbaan isii qabeenya qofa osoo hin taane, amantii irratis akkaan jabaadha. Intala isaa bareedduu namni hundi hawwee ganamaa galgala manguddoo ergatu, nama hunda dhoorgatee anaaf kenne. An kaadima masjiidaati. Dalagaan tiyya masjiida kaddamuudha. Guyyaa guutuu masjiida qulqulleessaa oola. Soddaa kiyya kanaanis achumatti wal barre. Masjidatti na argee haala kiyya jaalannaan intala tiyya si fuusisa naan jedhee akkasitti wal fuune. Jaartiin tiyya tunis gaarii namaati. Haalaa amalli isii waan haftee hin qabne. Gama bareedina fuulaatiinis urjii samii keeysaati. Waan isii irraa himadhu takkallee hin qabu. Garuu waan tokkotu xiqqoo yaaddoo natti tahee gama dhaddacha kanaa dhufe. akkuma isiniif hime ani miskiina. Qabeenya takkallee hin qabu. Jaartiin tiyya tun osoma haalaan na jaalattu, jiruu tiyya tanarraa gammachuu hin qabdu. Keeysumattuu hoggaa maatii isii bira dhayxee deebitu, mana keenya keessa taa’uu jibbitee barandaa irra taa’aa oolti. Jiruu qananii keessatti guddatte san dhabdee, mana kutaa takkaa tana keeysatti dhiphinaan jiraachuun itti ulfaate natti fakkaata. Anis nin hubadhaaf, rakkina isii kana osoo dandayee furee haalaan na gammachiisa. Osoo mallaqa qabaadhee mana bal’aa jaaree jiruu qananii isiin barte san keessa jiraachisa. Garuu mallaqni an argadhu kiraa manaatiifi nyaataafi dhugaatii bira hin dabritu. Miskiinummaan tiyya tun jiruu teenya hammeeysitee way addaan nu diiydii jedhee sodaadhee, furmaata waan barbaaduuf gama dhaddacha kanaa dhufe. waa hunda caalaa jaartiin tiyya sagantaa kana waan haalaan hordoftuuf, waan isii dura taa’ee itti haasawuun natti ulfaatu karaa Kanaan dabarfachuuf dhufe. gabaabumatti sheeka keenyarraa gorsa barbaada. Jaartii tiyya toltuu bareedduu gaarishoo tana, gorsa bareedaa qalbii isii ziq godhu akka naaf gorsan gaafadha. Galatooma. Jazaan keessan jannata haa tahu. Copyright Notice: Reuploading any of our videos or content to another YouTube channel or platform without our explicit consent is a violation of our copyright. We do not tolerate such actions. We actively monitor for unauthorised use of our content. If we discover that our content has been reuploaded without permission, we reserve the right to take appropriate legal action, including reporting the infringement to YouTube and requesting the removal of the unauthorised content.