ដាំចេកណាំវ៉ាតឿនៅដីទំនេរក្បែរផ្ទះកុំឱ្យដីទំនេរ | ដំណាំចេកណាំវ៉ាតឿ | ជីវភាពស្រុកស្រែ | កូនចាបមាស

នេះជាសកម្មភាពសាមញ្ញៗនៅក្បែរខាងផ្ទះតាមបែបជីវភាពស្រុកស្រែ គឺការរៀបចំនិងកែច្នៃដីទំនេរក្បែរផ្ទះដើម្បីដាំចេកណាំវ៉ាតឿ និងដំណាំផ្សេងៗសម្រាប់អាស្រ័យផល ឬអ្នកស្រុកស្រែយើងហៅថាគ្រាន់នឹងចិញ្ចឹមឆ្នាំង។ ខ្ញុំដឹងថាអាចនឹងមានបងប្អូនសួររកពូជចេកនេះ ដោយចង់បានយកទៅដាំដុះបន្ត ប៉ុន្តែជាក់ស្ដែងនៅពេលនេះគឺពុំមានកូនចេកសម្រាប់ចែកជូនបងប្អូនទេ​។ ពូជចេកនេះមានដើមទាប ងាយស្រួលដុះ និងថែទាំ ឆាប់បានផល ធន់នឹងខ្យល់ ហើយវាថែមទាំងផ្តល់ផ្លែដែលមានរសជាតិផ្អែមឆ្ងាញ់ផងដែរ។ វាមានផ្លែច្រើនមិនចាញ់ចេកណាំវ៉ាធម្មតានោះឡើយ គ្រាន់តែសំខាន់កុំទុកកូននៅដើមវាច្រើនពេក ព្រោះបើទុកកូននៅដើមច្រើនពេក សារធាតុចិញ្ចឹមនឹងផ្គត់ផ្គង់ទៅកូនចេក ហើយផ្លែមិនសូវបានផលល្អទេ។ ខ្ញុំរៀបចំដីដាំក្បែរខាងផ្ទះនេះដើម្បីបានពណ៌បៃតងលម្អរជុំវិញផ្ទះផង បានផ្លែផង បានកូនផង ហើយចាំចាត់ចែងតាមជាក់ស្ដែង ហុហុ។ ចាំពេលកូនចេកនេះបាត់អន់ ហើយល្អ ខ្ញុំនឹងថតឱ្យបងប្អូនមើលទៀតណា។