ចម្រៀងឈឺចាប់១បទកើតចេញពីបទពិសោធឈឺចាប់រាប់មិនអស់ | អ្នកនិពន្ធ សុខ ចាន់ផល | កូនចាបមាស

ចម្រៀងឈឺចាប់១បទប្រាកដជាកើតចេញពីបទពិសោធឈឺចាប់រាប់មិនអស់ កាលពីមុនខ្ញុំធ្លាប់មានក្ដីស្រមៃមួយដែលលាក់ទុកក្នុងចិត្ត...ប្រសិនបើមានពេលមួយខ្ញុំអាចអង្គុយតុជាមួយបងផល ផឹកកាហ្វេ ឬផឹកតែជជែកគ្នាតែពីរនាក់ តើពិសេសបែបណាទៅ? ប៉ុន្តែដល់ពេលមួយ ក្រោយការដើរនៅលើផ្លូវជីវិតរៀងខ្លួន ចួបរឿងខកចិត្តជាច្រើនដង ដួលជាច្រើនដង និងយំជាច្រើនដង ពួកយើងស្រាប់តែមានពេលវេលានោះ។ ជីវិតមិនត្រឹមតែប្រគល់នូវបំណងប្រាថ្នានោះមកឱ្យខ្ញុំជាច្រើនដងប៉ុណ្ណោះទេ តែថែមទាំងឱ្យលើសពីអ្វីដែលខ្ញុំធ្លាប់ត្រូវការថែមទៀតផង។ មានរឿងខ្លះក្នុងការសន្ទនានេះ ជារឿងដែលខ្ញុំមិនធ្លាប់បានដឹងពីមុនមកទាល់តែសោះ។ លុះដល់ពេលវេលាសមស្របមួយ យើងក៏អាចមានសំណួរដ៏ស័ក្ដិសមបំផុតដើម្បីសួរ ហើយពេលនោះក៏ជាពេលវេលាដែលយើងបានទទួលនូវចម្លើយដ៏ពីរោះល្អមួយផងដែរ។ អរគុណបងប្រុសជាទីស្រលាញ់សម្រាប់រាល់ពាក្យពេចន៍ដែលបងបាននិយាយក្នុងវីដេអូនេះ។ ដោយក្ដីគោរព ស្រលាញ់យ៉ាងជ្រាលជ្រៅពីប្អូនស្រី...កូនចាបមាស»!»