ಕಿರು ತಿರುಪತಿ ಶ್ರೀ ಲಕ್ಷ್ಮಿ ವೆಂಕಟರಮಣ ದೇವಸ್ಥಾನ ಇಲ್ಲಿ ವಾರ್ಷಿಕ ದೀಪಾರಾಧನೆ ಕೆರೆ ದೀಪ ಪುಷ್ಪ ರಥೋತ್ಸವ ಸುಸಂಪನ್ನ.

ಕಿರು ತಿರುಪತಿ ಶ್ರೀ ಲಕ್ಷ್ಮಿ ವೆಂಕಟರಮಣ ದೇವಸ್ಥಾನ ಇಲ್ಲಿ ವಾರ್ಷಿಕ ದೀಪಾರಾಧನೆ ಕೆರೆ ದೀಪ ಪುಷ್ಪ ರಥೋತ್ಸವ ಸುಸಂಪನ್ನ. ಉಡುಪಿ ಜಿಲ್ಲೆಯ ಕಾರ್ಕಳ ತಾಲೂಕಿನ ದುರ್ಗಾ ಶ್ರೀ ಲಕ್ಷ್ಮಿ ವೆಂಕಟರಮಣ ದೇವಸ್ಥಾನ ವಾರ್ಷಿಕ ದೀಪ ಆರಾಧನೆ ಕೆರೆ ದೀಪ ಪುಷ್ಪರತೋತ್ಸವವು ವಿಶ್ವಾವಸು ನಾಮ ಸಂವತ್ಸರದ ಕಾರ್ತಿಕ ಬಹುಳ ಸಪ್ತಮಿ ದಿನಾಂಕ 11 ನವೆಂಬರ್ 2025 ನೇ ಮಂಗಳವಾರ ಸಂಪನ್ನಗೊಂಡಿತು. ದೇವಳದ ಪ್ರಧಾನ ಅರ್ಚಕರಾದ ಡಾ ಸತ್ಯನಾರಾಯಣ ಭಟ್ ರವರ ಪೂಜಾ ಕೈಂಕರ್ಯದಲ್ಲಿ ತಂತ್ರಿಗಳಾದ ಶ್ರೀ ಅನಂತ ಗೋಖಲೆ ಇವರ ಆಚಾರ್ಯತ್ವದಲ್ಲಿ ಆಡಳಿತ ಮೊಕ್ತೇಸರರಾದ ಶ್ರೀ ಬ್ರಹ್ಮಾನಂದ ಮರಾಠೆಯವರ ನೇತೃತ್ವದಲ್ಲಿ ದೇವತಾ ಪ್ರಾರ್ಥನೆ ಗಣಪತಿ ಪೂಜೆ ಪುಣ್ಯಾಹವಾಚನ ಧಾತ್ರಿ ಪೂಜನ ಶ್ರೀ ದೇವರಿಗೆ ಮಹಾ ಪೂಜೆ, ಮಹಾ ಮಂಗಳಾರತಿ ಜರುಗಿತು. ಮಧ್ಯಾಹ್ನ ಬ್ರಾಹ್ಮಣ ಸುವಾಸಿನಿ ಆರಾಧನೆಯೊಂದಿಗೆ ಸಂರ್ಪಣೆ. ಸಂಜೆ ತುಳಸಿ ಧಾತ್ರಿ ಪೂಜನ ಮಂಗಳಾರತಿ ಬಲಿ ಉತ್ಸವ ಪಾಲಕೀ ಉತ್ಸವ ಪುಷ್ಪ ರಥೋತ್ಸವ ವಸಂತ ಪೂಜೆ ಉಯ್ಯಾಲೆ ಸೇವೆ ಅಷ್ಟ ಸೇವೆ ಮಂಗಳಾರತಿ ತೀರ್ಥ ಪ್ರಸಾದ ವಿತರಣೆ ಅನ್ನದಾನ ನೆರವೇರಿತು. ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ಶ್ರೀ ಶ್ರೀನಿವಾಸ ಕಲ್ಯಾಣ ಹರಿಕಥಾ ಪ್ರಸಂಗವನ್ನು ಹರಿದಾಸರಾದ ಶ್ರೀ ಅನಂತ ಪದ್ಮನಾಭ ಭಟ್ರವರು ಪ್ರಸ್ತುತ ಪಡಿಸಿದರು. ಹಾರ್ಮೋನಿಯಂನಲ್ಲಿ ಸಹಕಾರವನ್ನು ಶ್ರೀ ರಮೇಶ್ ಹೆಬ್ಬಾರ್ ಮಂಗಳೂರು ತಬ್ಲಾದಲ್ಲಿ ಶ್ರೀ ಪ್ರದೀಪ್ ಉಪಾಧ್ಯಾಯ ಕಾರ್ಕಳ ನೀಡಿದರು. ಪುಷ್ಪರಥೋತ್ಸವ, ಅನ್ನದಾನ ಸೇವಾಕರ್ತರಾಗಿ ಶ್ರೀಮತಿ ಮತ್ತು ಶ್ರೀ ಶಂಕರ ಭಟ್ ವೇಳಂಕರ್ ಮತ್ತು ಮಕ್ಕಳು, ಶ್ರೀಮತಿ ಮತ್ತು ಶ್ರೀ ಶ್ರೀಕರ ಮರಾಠೆ ಮತ್ತು ಮಕ್ಕಳು ಬೊಮ್ಮೆತಡ್ಕ ರವರು ಸೇವೆ ನೀಡಿದರು. ಈ ಸಂದರ್ಭ ಆಡಳಿತ ಮಂಡಳಿ ಸದಸ್ಯರಾದ ಶ್ರೀ ಮುರಳಿದರ ಭಟ್ ಕರ್ಮಕರ್, ಶ್ರೀ ಸುಹಾಸ್ ಮರಾಠೆ, ಶ್ರೀ ರತ್ನಾಕರ ಮರಾಠೆ, ಶ್ರೀಮತಿ ಜೋಸ್ನಾ ಸಾಠೇ, ಶ್ರೀ ದಿಲೀಪ್ ಮರಾಠೆ, ಶ್ರೀ ಸುದರ್ಶನ್ ಮರಾಠೆ, ಶ್ರೀಮತಿ ಶ್ರೀದೇವಿ ಪಾಠಕ್, ಶ್ರೀಮತಿ ಸಂಗೀತಾ ಫಾಟಕ್ ಭಾಗವಹಿಸಿದ್ದರು.