Xanana Gusmão Bolu Komunidade Internasionál Investe bá Páz no Kooperasaun Globál

LISBOA, PORTUGAL, 24 Juñu 2026 – Pessoa Eminente g7+ atuál Primeiru-Ministru Timor-Leste, Kay Rala Xanana Gusmão, bolu komunidade internasionál atu fó prioridade bá investimentu iha páz, kooperasaun no solidariedade globál, atu prevene konflitu sira ne’ebé kontinua ameasa estabilidade no dezenvolvimentu iha mundu. Mensajen ida-ne’e hato’o iha diskursu prinsipál durante semináriu internasionál ida kona-bá impaktu krize Médiu Oriente bá nasaun sira ne’ebé afetadu hosi konflitu, ne’ebé organiza hosi Instituto para a Promoção da América Latina e Caraíbas (IPDAL) no g7+, iha Lisboa, Portugal, kuarta (23/06). Iha intervensaun, PM Xanana hateten konflitu iha Médiu Orienti la afeta de’it rejiaun ne’e, maibé mós lori impaktu ekonomia, umanitáriu no jeopolítiku bá nasaun sira iha mundu