Pedagogika va ijtimoiy fanlar fakulteti - ilm, ta'lim va yuksak natijalar maskani

Buxoro davlat pedagogika instituti Pedagogika va ijtimoiy fanlar fakulteti bugungi kunda zamonaviy ta'lim, ilmiy tadqiqotlar va xalqaro hamkorlikni rivojlantirish borasida salmoqli natijalarga erishib kelayotgan yetakchi fakultetlardan biridir. “Ushbu videorolik orqali fakultetimizning ta’lim, ilmiy va talabalar hayoti bilan yaqindan tanishishingiz mumkin.” Fakultet tarkibida 4 ta kafedra faoliyat yuritib, ularda jami 93 nafar professor-o‘qituvchi mehnat qilmoqda. Ularning 8 nafari fan doktori (DSc), 45 nafari falsafa doktori (PhD), 10 nafari professor va 23 nafari dotsentdir. Fakultetning ilmiy salohiyati 68 foizni tashkil etadi. Hozirgi kunda fakultetda 1518 nafar bakalavriat hamda 148 nafar magistratura bosqichi talabalari tahsil olmoqda. Ta'lim jarayoni zamonaviy pedagogik texnologiyalar, innovatsion yondashuvlar va ilg‘or xorijiy tajribalar asosida tashkil etilgan. Talabalarning ilmiy-tadqiqot faoliyatini qo‘llab-quvvatlash maqsadida fakultetda 14 ta ilmiy to‘garak faoliyat yuritib, ularga 364 nafar talaba jalb etilgan. Fakultet moddiy-texnik bazasi ham muntazam takomillashtirib borilmoqda. Bugungi kunda 20 ta o‘quv auditoriyasi va 3 ta o‘quv ustaxonasi mavjud bo‘lib, ulardan 2 tasi tarixiy me'moriy obidalarda faoliyat yuritmoqda. Xususan, ushbu ustaxonalardan biri Buxoro shahri Imom al-Buxoriy mahalla fuqarolar yig‘ini hududidagi tarixiy Qozi Kalon masjidi atrofida faoliyat yuritmoqda. Mazkur maskan talabalarning nazariy bilimlarini amaliyot bilan uyg‘unlashtirish, ularning hunarga bo‘lgan qiziqishini oshirish hamda kasbiy ko‘nikmalarini rivojlantirishda muhim ahamiyat kasb etmoqda. Fakultetda o‘qitiladigan fanlarning 12 ta o‘quv dasturi dunyoning TOP–300 talik oliy ta'lim muassasalari tajribasi asosida takomillashtirilgan. Xalqaro hamkorlik yo‘nalishida Turkiya, Rossiya Federatsiyasi, Qirg‘iziston va Qozog‘istonning nufuzli oliy ta'lim muassasalari bilan samarali hamkorlik aloqalari yo‘lga qo‘yilgan. Ma'naviy-ma'rifiy yo‘nalishda ham qator loyihalar muvaffaqiyatli amalga oshirilmoqda. Jumladan, “Ommaviy diktant marafoni”, “Oyda bir kitob”, “Milliy liboslar” hamda “She'riyat shaydosiman” loyihalarida mingdan ortiq talabalar faol ishtirok etgan. Fakultet tashabbusi bilan xalqaro madaniy aloqalar ham rivojlantirilmoqda. Xususan, institutning “Sharq gavhari” ansambli, Fransiyaning “Buyuk ipak yo‘li” badiiy jamoasi hamda O‘zbekiston, Fransiya, Eron va Armaniston hamkorligidagi “Panjrud” ansambli ishtirokida Buxoro shahrida xalqaro qo‘shma konsert dasturi tashkil etildi. 🏆 Fakultet talabalari yurtimizdagi eng nufuzli tanlov va stipendiyalar sovrindorlari safidan munosib o‘rin egallab kelmoqda. Jumladan: ⭐️ 4 nafar talaba nomdor davlat stipendiyasi; ⭐️ 1 nafar talaba Prezident davlat stipendiyasi; ⭐️ 1 nafar talaba Bobur nomidagi davlat stipendiyasi; ⭐️ 1 nafar talaba Zulfiya nomidagi davlat mukofoti; ⭐️ 2 nafar talaba Navoiy nomidagi davlat stipendiyasi; ⭐️1 nafar talaba xalqaro olimpiada sovrindorligini qo‘lga kiritgan. ⭐ Pedagogika va ijtimoiy fanlar fakulteti — ilmiy salohiyat, zamonaviy ta'lim va yuksak natijalar uyg‘unlashgan maskan! ✅ Ijtimoiy tarmoqlardagi sahifalarimiz: 📱 Telegram (https://t.me/bukhspi) 🌐 Veb-sayt (https://buxdpi.uz/) 📱 Facebook (https://www.facebook.com/buxdpi?mibex...) 📱 Instagram (https://www.instagram.com/buxdpi_uz?i...)