Maktabgacha va boshlang‘ich ta’lim fakulteti — kelajak pedagoglari maskani

Maktabgacha va boshlang‘ich ta’lim fakulteti - kelajak avlod tarbiyachilari va pedagoglarini tayyorlaydigan maskan Buxoro davlat pedagogika instituti Maktabgacha va boshlang‘ich ta’lim fakulteti bugungi kunda pedagogika sohasida malakali kadrlarni tayyorlash, ilmiy faoliyatni rivojlantirish hamda xalqaro hamkorlikni kengaytirish borasida salmoqli natijalarga erishib kelmoqda. “Ushbu videorolik orqali fakultetimizning ta’lim, ilmiy va talabalar hayoti bilan yaqindan tanishishingiz mumkin.” Fakultetda bakalavriat (kunduzgi, kechki, sirtqi va ikkinchi oliy ta’lim) hamda magistratura mutaxassisliklari bo‘yicha jami 2143 nafar talaba tahsil olmoqda. Fakultetda 80 nafar professor-o‘qituvchi faoliyat yuritib, 3 ta kafedra tarkibida ta’lim va ilmiy faoliyat olib borilmoqda. Boshlang‘ich ta’lim kafedrasida 32 nafar professor-o‘qituvchi faoliyat yuritadi. Ularning 4 nafari fan doktori, 15 nafari fan nomzodi bo‘lib, ilmiy salohiyat 59 foizni tashkil etadi. Maktabgacha va boshlang‘ich ta’lim pedagogikasi kafedrasida 25 nafar professor-o‘qituvchi faoliyat olib boradi. Shundan 2 nafari fan doktori, 9 nafari fan nomzodi bo‘lib, ilmiy salohiyat 50 foizga yetgan. Maktabgacha ta’lim kafedrasida 21 nafar professor-o‘qituvchi faoliyat yuritib, 1 nafar fan doktori hamda 5 nafar dotsent va fan nomzodlari faoliyat ko‘rsatmoqda. Kafedraning ilmiy salohiyati 43 foizni tashkil etadi. Boshlang‘ich ta’lim kafedrasida 8 ta o‘quv xonasi, magistrlar xonasi, professor-o‘qituvchilar uchun kafedra xonalari, STEM va texnologiya xonalari mavjud. Kafedrada 9 ta fan to‘garagi va 5 ta ijtimoiy-madaniy to‘garak faoliyat yuritadi. Kafedrada o‘qitiladigan 28 ta fanning 17 ta dasturi dunyoning TOP–300 talik oliy ta’lim muassasalari tajribasi asosida takomillashtirilgan. Xalqaro hamkorlik doirasida Malayziya, Janubiy Koreya, Rossiya Federatsiyasi va Qozog‘istonning nufuzli oliy ta’lim muassasalari bilan hamkorlik aloqalari yo‘lga qo‘yilgan. Maktabgacha va boshlang‘ich ta’lim pedagogikasi kafedrasida 22 ta fan o‘qitilib, ulardan 4 ta dastur TOP–300 talik oliy ta’lim muassasalari tajribasi asosida takomillashtirilgan. Kafedrada 4 ta auditoriya, 1 ta fan va 4 ta ijtimoiy-madaniy to‘garak faoliyat yuritmoqda. Maktabgacha ta’lim kafedrasida 150 o‘rinli 5 ta o‘quv auditoriyasi hamda axborot-resurs burchagi faoliyat yuritadi. Kafedrada 87 nomdagi adabiyotlar mavjud bo‘lib, 6 ta fan, 2 ta sport va 5 ta ijtimoiy-madaniy to‘garaklar tashkil etilgan. Ushbu kafedrada o‘qitiladigan 23 ta fanning 3 ta dasturi TOP–300 talik oliy ta’lim muassasalari tajribasi asosida yangilangan. Shuningdek, doktorantlar va mustaqil izlanuvchilar soni 2 nafardan 4 nafarga oshirilgan. Kafedra Buyuk Britaniya, AQSH, Vengriya, Polsha, Turkiya, Ozarbayjon, Rossiya Federatsiyasi, Qirg‘iziston va Qozog‘iston oliy ta’lim muassasalari bilan xalqaro hamkorlik aloqalarini rivojlantirib kelmoqda. Fakultet professor-o‘qituvchilari va talabalari ilmiy, ma’naviy-ma’rifiy hamda xalqaro yo‘nalishlarda erishayotgan yutuqlari bilan institut nufuzini yanada yuksaltirishga munosib hissa qo‘shib kelmoqda. ✅ Ijtimoiy tarmoqlardagi sahifalarimiz: 📱 Telegram (https://t.me/bukhspi) 🌐 Veb-sayt (https://buxdpi.uz/) 📱 Facebook (https://www.facebook.com/buxdpi?mibex...) 📱 Instagram (https://www.instagram.com/buxdpi_uz?i...)