Harbiy ta'lim fakulteti - Vatan himoyachilarini tayyorlashda ishonchli maskan

Buxoro davlat pedagogika instituti Harbiy ta’lim fakulteti bugungi kunda zamonaviy harbiy bilim va ko‘nikmalarga ega, yuksak ma’naviyatli hamda Vatanga sadoqat ruhida tarbiyalangan kadrlarni tayyorlashga xizmat qilmoqda. “Ushbu videorolik orqali fakultetimizning ta’lim, ilmiy va talabalar hayoti bilan yaqindan tanishishingiz mumkin.” Fakultet tarkibida 3 ta sikl faoliyat yuritib, bakalavriat ta’lim yo‘nalishida 401 nafar hamda magistratura mutaxassisligi bo‘yicha 4 nafar, jami 405 nafar talaba tahsil olmoqda. Ta’lim-tarbiya jarayoniga 20 nafar ofitser va professor-o‘qituvchilar jalb qilingan. Jumladan, 2 nafar Qurolli Kuchlar harbiy xizmatchisi, 14 nafar Qurolli Kuchlar xizmatchisi va 4 nafar professor-o‘qituvchilar faoliyat yuritmoqda. Ulardan 6 nafari fan nomzodi, 12 nafari dotsent ilmiy unvoniga ega bo‘lib, fakultetning ilmiy salohiyati 30 foizni tashkil etadi. Fakultet 5 qavatli zamonaviy binoda joylashgan bo‘lib, 500 o‘quv o‘ringa mo‘ljallangan 22 ta o‘quv xonasiga ega. Shuningdek, muassasada 1 ta sport shaharchasi, 1 ta sport zali va 2 ta axborot-resurs markazi faoliyat ko‘rsatmoqda. Axborot-resurs markazlarida 8 662 nomdagi 36 452 nusxadagi adabiyotlar mavjud bo‘lib, talabalarning bilim olishi uchun keng imkoniyatlar yaratilgan. Talabalarning amaliy tayyorgarligini yanada mustahkamlash maqsadida o‘tgan o‘quv yilida taktik mashg‘ulotlar uchun mo‘ljallangan raqamli poligon hamda pnevmatik qurollardan otish tirxonasi barpo etildi. Fakultetda 22 ta o‘quv auditoriyasi va 1 ta o‘quv trenajori mavjud. Talabalarning bo‘sh vaqtlarini mazmunli tashkil etish maqsadida 6 ta fan to‘garagi, 5 ta sport to‘garagi hamda 3 ta ijtimoiy-madaniy to‘garak faoliyat yuritmoqda. O‘quv jarayonida 34 ta fan o‘qitilib, ulardan 9 ta fan dasturi oliy harbiy ta’lim muassasalari bilan hamkorlikda muntazam takomillashtirib borilmoqda. 🎓 Talabalar sport sohasida ham yuqori natijalarga erishmoqda: 🎖 Xalqaro musobaqalarda — 2 ta medal (1 ta oltin, 1 ta kumush); 🎖 Osiyo chempionatlarida — 4 ta medal (1 ta oltin, 2 ta kumush, 1 ta bronza); 🎖 Respublika musobaqalarida — 8 ta medal (3 ta oltin, 2 ta kumush, 3 ta bronza). ⭐️ Shuningdek, fakultetning 1 nafar talabasi “Abdulla Avloniy” nomidagi davlat stipendiyasi sovrindori bo‘lishga muvaffaq bo‘lgan. Harbiy ta’lim fakulteti — bilim, intizom, jasorat va vatanparvarlik uyg‘unlashgan maskan! ✅ Ijtimoiy tarmoqlardagi sahifalarimiz: 📱 Telegram (https://t.me/bukhspi) 🌐 Veb-sayt (https://buxdpi.uz/) 📱 Facebook (https://www.facebook.com/buxdpi?mibex...) 📱 Instagram (https://www.instagram.com/buxdpi_uz?i...)