ជើងឯក EP23(2) | គុកផ្ទះតាម៉ុក! ទីនេះនៅមានសល់ស្លាកស្នាម?| #secret

ប្រភពអត្ថបទ៖ ទស្សនាវដ្តិស្វែងរកការពិត លេខ៧៧ ចេញផ្សាយខែឧសភា ឆ្នាំ២០០៦ អ្នកនិពន្ធ៖ អៀ ម៉េងទ្រី ចំណងជើង៖ ចំណងឧក្រិដ្ឋកម្មភូមិភាគនិរតី អាន និងផលិត៖ ឃឹម ស្រស់ ____________________________________________________ សេចក្តីសង្ខេប! [...]សំណួររបស់ខ្ញុំគឺជាសំណួរដែលប្រជាជនកម្ពុជាភាគច្រើនបានសួរនិងពិភាក្សាគ្នា។ រ៉ុំ គឺជាស្រ្តីមេម៉ាយអាយុ៤៥ឆ្នាំ បាននិយាយថា “បើឈ្មោះ ជុច អតីតមេភូមិដែលជាឃាតករសម្លាប់ប្ដីខ្ញុំ នៅមានសេរីភាពដើរកាត់មុខផ្ទះខ្ញុំរាល់ថ្ងៃ ខ្ញុំពិតជាមិនអាចសប្បាយចិត្តបានទេ។ សំ អតីតយុទ្ធជនការពារមន្ទីរស-២១ (គុកទួលស្លែង) មានអារម្មណ៍ខ្មាសអៀនចំពោះបងប្អូននិងអ្នកជិតខាងរបស់គាត់។ សំ រៀបរាប់ថា “កាលនោះអ្នកណាក៏ដូចអ្នកណាដែរ គឺសុទ្ធតែគ្មានផ្លូវជ្រើសរើស។ បើមិនធ្វើតាមបញ្ជាទេគឺមានតែស្លាប់”។ សំ មិនចង់រំលឹកអំពីការងាររបស់គាត់ប្រាប់ក្រុមគ្រួសារនិងអ្នកជិតខាងរបស់គាត់ឡើយ ដោយសារគាត់បារម្ភថានឹងគ្មាននរណាជឿគាត់។ សំ បញ្ជាក់ថា “ប្រជាជនជាច្រើនត្រូវចាប់ខ្លួន បញ្ជូនទៅឃុំឃាំងនៅគុកទួលស្លែង”។ អតីតយុទ្ធជនការពារមន្ទីរស-២១ម្នាក់ទៀតឈ្មោះ ខេត បានរៀបរាប់ថា “យុទ្ធជនការពារគុកទួលស្លែងជាច្រើនក៏ត្រូវគេចាប់ខ្លួននិងឃុំឃាំងនៅទីនោះដែរ។ ប្រសិនបើពួកគាត់នៅរស់វិញច្បាស់ជាចង់សងសឹកខ្មែរក្រហម ជាពិសេសពួកគាត់នឹងសប្បាយចិត្តបើមានតុលាការកាត់ទោសមេដឹកនាំខ្មែរក្រហម”។[...]៕