TANGANYIKA YAGAWA HATI MILIKI 420

Mkuu wa wilaya ya Tanganyika mkoani Katavi Onesmo Buswelu amewataka wananchi wa maeneo hayo kuhakikisha wanazingatia matumizi bora ya ardhi huku akisisitiza kutunza misitu inayohifadhiwa. Hayo ameyasema wakati akizindua ugawaji wa hati miliki za kimila 420 kwa baadhi ya wakazi wa kijiji cha Kaseganyama kilichopo wilayani humo ambapo amesisitiza kutumia hati hizo kwa faida zaidi. Kamishina msaidizi wa ardhi mkoani Katavi Chidiel Mrutu amewataka wananchi kuheshimu mipaka ya ardhi huku Alphonce Msigwa ambaye ni mratibu wa mradi wa kuhifadhi ikolojia ya hifadhi za Taifa za Katavi na Mahale akikazia kuheshimu matumizi bora ya ardhi.