ਗੀਤ ਦਾ ਨਾਂ: ਮੈਂ ਧਰਤੀ ਹਾਂ ਪੰਜਾਬ ਦੀਗੀਤਕਾਰ (Lyrics): ਰਾਜਿੰਦਰਾ ਬਰਨਾਲਾਸੰਗੀਤ (Music): Suno AI

ਮੈਂ ਧਰਤੀ ਹਾਂ ਪੰਜਾਬ ਦੀ ' ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ। ਵਿੱਚ ਮੇਰੇ ਪੰਜਾਂ ਪਾਣੀਆਂ, ਕਿਸ ਮਿਲਾਇਆ ਜਹਿਰ। ਕਿਸ ਮਿਲਾਇਆ ਜਹਿਰ। ਹੱਸਦੇ ਵਸਦੇ ਲੋਕ ਸੀ, ਸੀ ਦੁੱਖ ਸੁੱਖ ਦਾ ਸੀਰ। ਬੀਜ ਫੁੱਟ ਦਾ ਬੀਜਕੇ, ਕਿਸ ਦਿੱਤਾ ਸੀਨਾ ਚੀਰ। ਹਵਾ ਵੈਰ ਦੀ ਵਗ ਗਈ, ਕੀ ਪਿੰਡ ਤੇ ਕੀ ਸ਼ਹਿਰ। ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ। ਜਖਮ ਸੰਤਾਲੀ ਵਾਲੜਾ, ਹੱਥ ਲਾਇਆਂ ਪੈਂਦਾ ਰਿੱਸ। ਸੁਣਕੇ ਉਹਦੀ ਵਿਥਿਆ, ਜਾਵੇ ਪੱਥਰ ਮਨ ਵੀ ਫਿੱਸ। ਛਾਈ ਅਸਮਾਨਾਂ ਮੇਰਿਆਂ, ਕਿਹੋ ਜਿਹੀ ਇਹ ਗਹਿਰ। ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ। ਚੁਰਾਸੀ ਵਿੱਚ ਫੇਰ ਹੋ ਗਈ, ਮੇਰੀ ਚੁੰਨੀ ਲੀਰੋ ਲੀਰ। ਪੁੱਤ ਮਾਵਾਂ ਦੇ ਖਾ ਗਈ, ਹੋਣੀ ਕਈ ਭੈਣਾਂ ਦੇ ਵੀਰ। ਹੰਝੂਆਂ ਸਾਗਰ ਵਗ ਪਏ, ਹੋਈ ਕੰਢਿਉਂ ਉੱਚੀ ਲਹਿਰ। ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ। ਪਿਆ ਡਾਕਾ ਸੱਭਿਆਚਾਰ ਤੇ, ਬੋਲੀ ਵੀ ਗਈ ਰੁਲ। ਜਵਾਨੀ ਕੁਰਾਹੇ ਪੈ ਗਈ, ਗਈ ਗਿੱਧੇ ਭੰਗੜੇ ਭੁੱਲ। ਮਾਹੀਏ ਟੱਪੇ ਰੋਂਵਦੇ, ਕਿਤੋਂ ਲੱਭਦਾ ਨਾ ਉਹ ਬਹਿਰ। ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ। ਘੇਰਿਆ ਕਈ ਬਰਬਾਦੀਆਂ, ਲਵਾਂ ਕਿਸ ਕਿਸ ਦਾ ਨਾਂ। ਸੀ ਜਿੱਥੇ ਕਦੇ ਖੁਸ਼ਹਾਲੀਆਂ, ਕਿਤੋਂ ਲੱਭੇ ਨਾ ਉਹ ਥਾਂ। ਪਾਣੀ ਵੀ ਗਹਿਰੇ ਗੰਧਲੇ, ਖੂਹ ਟੋਭੇ ਤੇ ਕੀ ਨਹਿਰ। ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੁਣ ਔਖੀ ਜੱਗ ਦੀ ਜਨਣੀ, ਕਿਉਂ ਉਸਦਾ ਮੰਦਾ ਹਾਲ। ਉਹਦੇ ਤੇ ਕਤਲੇਆਮ ਦਾ, ਚਾਰੇ ਪਾਸਿਉਂ ਤਣਿਆ ਜਾਲ। ਪਲ ਪਲ ਉਹ ਮਰ ਰਹੀ, ਰਹਿੰਦੀ ਖੁਸ਼ੀ ਨਾ ਠਹਿਰ। ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ। ਸੁਲਝਾਵੇ ਤਾਣੀ ਕੌਣ ਨੀ, ਉਲਝੀ ਜੋ ਤੰਦੋ ਤੰਦ। ਰੁਲੀਆਂ ਮਹਿੰਦੀ ਚੂੜੀਆਂ, ਕਿਉਂ ਟੁੱਟਦੇ ਬਾਜੂਬੰਦ। ਕਿਉਂ ਸਿਰ ਤੇ ਘੁੰਮਦਾ, ਜਮਦੂਤ ਹੈ ਅੱਠੇ ਪਹਿਰ। ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ। ਉੱਠੋ ਮੇਰੇ ਪੁੱਤਰੋ, ਕਰੋ ਨਾਲ ਬੁਰਾਈਆਂ ਜੰਗ। ਉੱਜੜੇ ਕੋਈ ਸੰਧੂਰ ਨਾ, ਨਾ ਵੀਣੀਉ ਟੁੱਟੇ ਵੰਗ। ਮਿੱਟੀ 'ਚ 'ਜਿੰਦ' ਮਿਲੇ ਨਾ, ਜਵਾਨੀ ਦੀ ਦੁਪਹਿਰ। ਮੈਂ ਧਰਤੀ ਹਾਂ ਪੰਜਾਬ ਦੀ, ਹੋਏ ਲੱਖਾਂ ਮੇਰੇ ਤੇ ਕਹਿਰ। ਹੋਏ ਲੱਖਾਂ ਮੇਰੇ ਤੇ ਕਹਿਰ।