ਗੀਤ ਦਾ ਨਾਂ: ਦਾਜ ਦੇ ਲੋਭੀ ਗੀਤਕਾਰ (Lyrics): ਰਾਜਿੰਦਰਾ ਬਰਨਾਲਾ ਸੰਗੀਤ (Music): Suno AI

ਦਾਜ ਦੇ ਲੋਭੀ' ਲੋਭੀ ਹੋ ਗਏ ਦਾਜ ਦੇ ਨੀ, ਮਾਂ ਸਹੁਰੇ ਕਰਨ ਮਨਮਾਨੀ। ਮਾਂ ਸਹੁਰੇ ਕਰਨ ਮਨਮਾਨੀ। ਮੈਨੂੰ ਮਿਹਣੇ ਮਾਰਨ ਨੀ, ਮੇਰੀ ਰੋਲ ਦਿੱਤੀ ਜਿੰਦਗਾਨੀ। ਮੇਰੀ ਰੋਲ ਦਿੱਤੀ ਜਿੰਦਗਾਨੀ। ਚਾਈਂ ਚਾਈਂ ਬਾਬਲ ਨੇ, ਅੰਮੀਏ ਮੇਰਾ ਵਿਆਹ ਰਚਾਇਆ। ਉਹਨੇ ਕਰਜਾ ਚੁੱਕ ਕੇ ਨੀ, ਮੂੰਹੋਂ ਕੱਢਿਆ ਬੋਲ ਪੁਗਾਇਆ। ਬੇਕਦਰੇ ਲੋਕਾਂ ਨੇ, ਮੂੰਹ ਅੱਡ ਲਏ ਤੱਕ ਅਸਮਾਨੀਂ। ਮੂੰਹ ਅੱਡ ਲਏ ਤੱਕ ਅਸਮਾਨੀਂ। ਲੋਭੀ ਹੋ ਗਏ ਦਾਜ ਦੇ ਨੀ,ਮਾਂ ਸਹੁਰੇ ਕਰਨ ਮਨਮਾਨੀ। ਮਾਂ ਸਹੁਰੇ ਕਰਨ ਮਨਮਾਨੀ। ਹਾਂ ਇਕੱਲੀ ਇੱਕ ਪਾਸੇ, ਕੋਈ ਨਾ ਹਾਮੀ ਮੇਰੀ ਭਰਦਾ। ਬੇਅਦਵੀ ਮੇਰੀ ਨੀ,ਅੰਮੀਏ ਜੀ ਜੀ ਰਹਿੰਦਾ ਕਰਦਾ। ਰੋਜ਼ ਸੱਧਰਾਂ ਆਪਣੀਆਂ ਦੀ, ਮਾਏ ਦੇਵਾਂ ਮੈਂ ਕੁਰਬਾਨੀ। ਮਾਏ ਦੇਵਾਂ ਮੈਂ ਕੁਰਬਾਨੀ। ਲੋਭੀ ਹੋ ਗਏ ਦਾਜ ਦੇ ਨੀ,ਮਾਂ ਸਹੁਰੇ ਕਰਨ ਮਨਮਾਨੀ। ਮਾਂ ਸਹੁਰੇ ਕਰਨ ਮਨਮਾਨੀ। ਉਹ ਮੌਜਾਂ ਅੰਮੀਏ ਨੀ, ਆਪਣੇ ਸਿਰੋਂ ਨੇ ਕਰਨਾ ਚਾਹੁੰਦੇ। ਤਾਹੀਂਉਂ ਤਾਂ ਅੰਮੀਏ ਨੀ, ਮੰਗ ਨਵੀਂ ਨਵੀਂ ਨਿੱਤ ਪਾਉਂਦੇ। ਤੰਗ ਰਹਿਣ ਉਹ ਕਰਦੇ ਨੀ, ਮੈਨੂੰ ਆਨੀ ਤੇ ਬਹਾਨੀ। ਮੈਨੂੰ ਆਨੀ ਤੇ ਬਹਾਨੀ। ਲੋਭੀ ਹੋ ਗਏ ਦਾਜ ਦੇ ਨੀ,ਮਾਂ ਸਹੁਰੇ ਕਰਨ ਮਨਮਾਨੀ। ਮਾਂ ਸਹੁਰੇ ਕਰਨ ਮਨਮਾਨੀ। ਪਤਾ ਉਦੋਂ ਲੱਗਣਾ ਨੀ,ਧੀ ਆਪਣੀ ਜਦੋਂ ਵਿਆਹੀ। ਇੱਕ ਵਾਰ ਤਾਂ ਸੋਚਣਗੇ, ਸਿਰ ਤੋਂ ਜਿੰਮੇਵਾਰੀ ਲਾਹੀ। ਸੁਣ ਧੀ ਦੇ ਦੁੱਖੜੇ ਨੀ, ਸਮਝ ਆਉਣੀ ਲਾਭ ਤੇ ਹਾਨੀ। ਸਮਝ ਆਉਣੀ ਲਾਭ ਤੇ ਹਾਨੀ। ਲੋਭੀ ਹੋ ਗਏ ਦਾਜ ਦੇ ਨੀ,ਮਾਂ ਸਹੁਰੇ ਕਰਨ ਮਨਮਾਨੀ। ਮਾਂ ਸਹੁਰੇ ਕਰਨ ਮਨਮਾਨੀ। ਇਹੋ ਜਿਹੇ ਜ਼ਾਲਮਾਂ ਤੋਂ, ਮਾਏ ਖਹਿੜਾ ਜੇ ਛੁਡਾਉਣਾ। ਥਾਂ ਦਾਜ ਦੇ ਮਾਏ ਨੀ, ਗਹਿਣਾ ਸਿੱਖਿਆ ਵਾਲਾ ਪਾਉਣਾ। ਹੋਣੀ ਧੀਆਂ ਉੱਤੇ ਨੀ, ਇਹ ਵੱਡੀ ਮਿਹਰਬਾਨੀ। ਇਹ ਵੱਡੀ ਮਿਹਰਬਾਨੀ। ਲੋਭੀ ਹੋ ਗਏ ਦਾਜ ਦੇ ਨੀ, ਮਾਂ ਸਹੁਰੇ ਕਰਨ ਮਨਮਾਨੀ। ਮਾਂ ਸਹੁਰੇ ਕਰਨ ਮਨਮਾਨੀ। ਫੇਰ ਗੁਣ ਨੀ ਮਾਵਾਂ ਦੇ, ਧੀਆਂ ਸਦਾ ਲਈ ਨੇ ਗਾਉਣੇ। ਘਰ ਆਕੇ ਪੇਕਿਆਂ ਦੇ, ਨਾ ਦੁੱਖੜੇ 'ਜਿੰਦ' ਸੁਣਾਉਣੇ। ਨਾ ਜੱਗ ਤੇ ਰਹਿਣਾ ਨੀ, ਫੇਰ ਉਹਨਾਂ ਦਾ ਕੋਈ ਸਾਨੀ। ਫੇਰ ਉਹਨਾਂ ਦਾ ਕੋਈ ਸਾਨੀ। ਲੋਭੀ ਹੋ ਗਏ ਦਾਜ ਦੇ ਨੀ, ਮਾਂ ਸਹੁਰੇ ਕਰਨ ਮਨਮਾਨੀ। ਮਾਂ ਸਹੁਰੇ ਕਰਨ ਮਨਮਾਨੀ।