ਗੀਤ - ਭੱਠੀ ਵਾਂਗੂੰ ਮੈਂ ਤਪਦੀ, ਲੈਰਿਕਸ - ਰਾਜਿੰਦਰਾ ਬਰਨਾਲਾ

ਲੈਰਿਕਸ - ਰਾਜਿੰਦਰਾ ਬਰਨਾਲਾ ਮਿਊਜ਼ਿਕ - suno ai ਭੱਠੀ ਵਾਂਗੂੰ ਮੈਂ ਤਪਦੀ' ਵੇ ਮੈਂ ਚੰਨਾ ਤੇਰੀ ਨਾਰ, ਤੇਰੇ ਵਿਹੜੇ ਦਾ ਸ਼ਿੰਗਾਰ। ਵੱਢ ਵੱਢ ਮੈਨੂੰ ਖਾਂਦਾ, ਬਿਨਾਂ ਤੈਥੋਂ ਘਰ ਬਾਰ। ਹਾਏ ਜਿੰਦ ਵੇ ਮਲੂਕ ਮੇਰੀ ਤੇ, ਤੈਨੂੰ ਹਾਣੀਆਂ ਤਰਸ ਨਾ ਆਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ , ਵਿਛੋੜਾ ਚੰਦਰਾ ਸੀਨੇ ਅੱਗ ਲਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ .......... ਕੱਢੀਆਂ ਸੀ ਚਾਵਾਂ ਨਾਲ, ਸੂਹੀਆਂ ਫੁਲਕਾਰੀਆਂ। ਰੀਝਾਂ ਬੰਦ ਪਈਆਂ ਨੇ, ਸੰਦੂਕ ਵਿੱਚ ਸਾਰੀਆਂ। ਮੇਰਾ ਮਹਿਕੇ ਅੰਗ ਅੰਗ, ਸੂਹਾ ਮਹਿੰਦੀ ਦਾ ਵੇ ਰੰਗ। ਪੈਰੀਂ ਜੁੱਤੀ ਵੇ ਕਸੂਰੀ, ਬਾਹੀਂ ਛਣਕਦੀ ਵੰਗ। ਹਾਏ ਹਿਜਰਾਂ ਦੇ ਹੌਕੇ ਭਰਦਾ, ਯਾਦਾਂ ਮਿੱਠੀਆਂ 'ਚ ਮਨ ਮੁਸਕਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ , ਵਿਛੋੜਾ ਚੰਦਰਾ ਸੀਨੇ ਅੱਗ ਲਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ .......... ਪੀੜਾਂ ਇੱਕਲਾਪੇ ਦੀਆਂ, ਜਾਣ ਨਾ ਲੁਕੋਈਆਂ ਵੇ। ਠੰਢੇ ਚੁੱਲ੍ਹੇ ਹਾਰੇ, ਪਈਆਂ ਖਾਲੀ ਵਲਟੋਹੀਆਂ ਵੇ। ਹੋਏ ਦਿਨ ਨੇ ਲੰਮੇਰੇ, ਸੁੰਨ ਪੱਸਰੀ ਚੁਫੇਰੇ। ਵੇਲਾ ਯਾਦ ਉਹ ਆਉਂਦਾ, ਲਏ ਸੀ ਤੇਰੇ ਨਾਲ ਫੇਰੇ। ਸੰਜੋਏ ਸੀ ਰੰਗੀਨ ਸੁਪਨੇ, ਰੋਂਦੇ ਚਾਵਾਂ ਨੂੰ ਆ ਕੌਣ ਸਮਝਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ , ਵਿਛੋੜਾ ਚੰਦਰਾ ਸੀਨੇ ਅੱਗ ਲਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ .......... ਸਿਰ ਉੱਤੇ ਓੜੀ ਉੱਚੀ, ਮਾਪਿਆਂ ਦੀ ਸ਼ਾਨ ਵੇ। ਚਾਰ ਦੀਵਾਰੀ 'ਚ ਭਾਵੇਂ, ਬੰਦ ਅਰਮਾਨ ਵੇ। ਕੀ ਏ ਡਾਲਰਾਂ ਦਾ ਭਾਅ, ਨੇ ਅਧੂਰੇ ਸਾਡੇ ਚਾਅ। ਸਾਡਾ ਸਿਖਰ ਦੁਪਹਿਰਾ, ਸਮੁੰਦਰ ਗ਼ਮਾਂ ਦਾ ਅਥਾਹ। ਬੇੜੀ ਡਾਵਾਂ ਡੋਲ ਹਾਣੀਆਂ, ਬਿਨ ਤੇਰੇ ਕੌਣ ਪਾਰ ਲੰਘਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ , ਵਿਛੋੜਾ ਚੰਦਰਾ ਸੀਨੇ ਅੱਗ ਲਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ .......... ਲਿਖਦਾ ਨਾ ਚਿੱਠੀ ਵਿੱਚ, ਆਉਣ ਦੀ ਤਾਰੀਕ ਨੂੰ। ਪਾ ਨਾ ਦੇਈਂ ਪੱਲੇ, ਲੰਬੀ ਉਮਰੋਂ ਉਡੀਕ ਨੂੰ । ਕਾਹਤੋਂ ਸੱਜਣਾ ਵੇ ਦੂਰੀ, ਕੀ ਹੈ ਤੇਰੀ ਮਜ਼ਬੂਰੀ। 'ਜਿੰਦੇ' ਲੱਗਦਾ ਨਾ ਜੀਅ, ਬਿਨਾਂ ਤੇਰੇ ਮੈਂ ਅਧੂਰੀ। ਖੜੀ ਹਾਂ ਅਡੋਲ ਹਾਣੀਆਂ, ਰਾਹਾਂ ਉਡੀਕ ਦਿਆਂ ਤੇ ਰੂਹ ਕੁਰਲਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ , ਵਿਛੋੜਾ ਚੰਦਰਾ ਸੀਨੇ ਅੱਗ ਲਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ .......... ਤੈਨੂੰ ਹਾਣੀਆਂ ਤਰਸ ਨਾ ਆਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ , ਵਿਛੋੜਾ ਚੰਦਰਾ ਸੀਨੇ ਅੱਗ ਲਾਵੇ। ਵੇ ਭੱਠੀ ਵਾਂਗੂੰ ਮੈਂ ਤਪਦੀ ..........