ICEનો નવો દાવ, હવે ક્યાંથી પકડાઈ રહ્યા છે ઈલીગલ એલિયન્સ?

અત્યારસુધી રસ્તા પર લોકોના વાહનો ઉભા રાખી ઈલીગલ ઈમિગ્રન્ટ્સને પકડતા ICEના એજન્ટ્સ હવે ડોમેસ્ટિક એરપોર્ટ્સ પર ખાસ્સા એક્ટિવ થયા હોવાના રિપોર્ટ્સ આવી રહ્યા છે. હજુ થોડા દિવસો પહેલા જ એક ગુજરાતી સ્ટૂડન્ટની શિકાગો એરપોર્ટ પરથી ધરપકડ થયા બાદ હવે જુલાઈ 22ના રોજ સાન ફ્રાંસિસ્કો એરપોર્ટ પરથી એક યુક્રેનિયન ઈમિગ્રન્ટની ધરપકડ કરવામાં આવી હતી, તેવી જ રીતે લાસ વેગસ એરપોર્ટ પરથી પણ દસેક દિવસ પહેલા એક શખસને અચાનક જ ઉભો રાખી તેને હાથકડી પહેરાવી દેવાઈ હતી. આ ત્રણેય કેસમાં મહત્વની વાત એ છે કે આ કાર્યવાહી કરનારા એજન્ટ્સ પ્લેન ક્લોથ્સમાં એરપોર્ટ પર તૈનાત હતા, મતલબ કે અત્યારસુધી ચહેરા ઢાંકીને ઈલીગલ એલિયન્સને પકકડતાં એજન્ટ્સ હવે પ્લેન ક્લોથમાં સામાન્ય માણસની જેમ એરપોર્ટ પર આંટાફેરા કરીને શંકાસ્પદ લોકોને પકડી રહ્યા છે.