‘અમેરિકામાં ઈન્ડિયન્સ સામે આટલી નફરત ક્યારેય નથી જોઈ..’

અમેરિકામાં પ્રેક્ટિસ કરતાં ભારતીય મૂળના પ્લાસ્ટિક સર્જન પોતાની બિંદીને કારણે લોકોના ટાર્ગેટ પર આવ્યા છે. કરિશ્મા રેડ્ડી નામના આ મહિલા ડોક્ટરે થોડા દિવસો પહેલા જ ઈન્સ્ટાગ્રામ પર એક રિલ મૂકી હતી જેમાં તેમણે પોતાની બિંદી વિશે એક પેશન્ટ સાથે થયેલી વાતચીતનો ઉલ્લેખ કર્યો હતો. આ રિલ આમ તો હળવી શૈલીમાં બનાવવામાં આવી હતી પરંતુ તેના પર લોકોએ જે કમેન્ટ કરી તેનાથી ડૉ. કરિશ્મા શૉક્ડ છે. આ કમેન્ટ્સમાં ડૉ. કરિશ્મા ઈન્ડિયન હોવાના કારણે તેમના વિશે લોકોએ એલફેલ લખ્યું હતું. આવી કેટલીક કમેન્ટ્સના સ્ક્રીનશોટ્સ પણ તેમણે પોતાની રિલમાં બતાવ્યા છે. સાથે જ તેમણે એવું પણ કહ્યું છે કે પોતાની આખી જિંદગીમાં અમેરિકામાં આ હદે અગાઉ ક્યારેય ઈન્ડિયન્સથી નફરત થતી નથી જોઈ.