કેનેડાએ વર્ક પરમિટ ના આપતા ઈન્ડિયન સ્ટૂડન્ટ્સ રઝળી પડ્યાં

લાખો રૂપિયાનો ધૂમાડો કરીને કેનેડામાં પોતાનો અભ્યાસ પૂરો કરનારા 1500 જેટલા ઈન્ટનેશનલ સ્ટૂડન્ટ્સને વર્ક પરમિટ આપવાનો ઈનકાર કરી દેવાતા આ તમામ લોકો હવે રઝળી પડ્યા છે. કેનેડિયન મીડિયાના રિપોર્ટ્સ અનુસાર જેમની વર્ક પરમિટ રિજેક્ટ થઈ છે તેવા મોટાભાગના સ્ટૂડન્ટ્સ ઈન્ડિન છે અને તેઓ ઘણા સમયથી કેનેડામાં રહે છે.હાલમાં જ આ સ્ટૂડન્ટ્સે કેલગરીમાં એકઠા થઈને વિરોધ પ્રદર્શન કર્યા હતા, તેમનો આક્ષેપ છે કે IRCCએ તેમની સાથે ભેદભાવ કરતા વર્ક પરમિટ આપવાનો ઈનકાર કરી દીધો છે. આવા મોટાભાગના સ્ટૂડન્ટ્સ પોર્ટેજ કોલેજ અને કેલગરીમાં આવેલી તેની પાર્ટનર ઈન્સ્ટિટ્યૂટમાં ભણેલા છે. તેમનો દાવો છે કે દોઢ-બે વર્ષ પહેલા જ પોસ્ટ ગ્રેજ્યુએટ વર્ક પરમિટ માટે એપ્લાય કરી દીધું હોવા છતાંય સ્ટડી પૂરું થતાં જ તેમની એપ્લિકેશન રિજેક્ટ કરી દેવાઈ છે.