Seanca e radhes per gjyqin Hajdari, deshmon Fatmir Meta - (20 Korrik 2001)

Lajme Arkiva - TV Klan 2001 Fatmir Meta, një ndër të akuzuarit si pjesëmarrës në vrasjen e Azem Hajdarit, ishte personazhi kryesor i radhës së seancës së super dosjes. Në mungesë të dëshmitarëve të akuzës edhe kësaj radhe, gjyqtari Arben Micko i ka dhënë leje të pandehurit Meta, i cili kërkoi të jap sqarime rreth pozicionit të tij në lidhje me atentatin e 12 shtatorit 1998. Atë ditë tha Meta, kam takuar në Tiranë Jaho Salihin, vartësin tim, të cilit i mora makinën time personale, pasi e kishte mbajtur disa ditë. Pasi jam ndarë me Jahon, tha Fatmir Meta, rreth orës 14 të datës 12 Shtator 98, jam futur në shtëpi dhe nuk kam dalë më pasi parkova makinën. Në darkë mësova lajmin e vrasjes së Hajdarit dhe akuzën e PD për Jaho Salihin si autor të saj. Më datë 13 Shtator tha Meta, i kam kërkuar takim ministrit Teta, i cili sapo kishte folur në telefon me Jahon që ndodhej në Tropojë. Unë i thashë Tetës, se dje në këtë kohë Jaho ishte në Tiranë dhe i kërkova leje që të shkoja me helikopter ne Tropojë dhe ta merrja Jahon, por që s’u arrit kurrë pasi u sulmua ministria. Akuza ndaj meje, ka vazhduar Meta, lidhet vetëm me prezencën e një makine me targa Vlore që s’është pronë e imja në vendngjarje dhe që është vërtetuar, që është pronë e Ferdinand Lamajt e marrë nga Astrit Muldaka. Më pas pyetje Fatmir Metës i kanë bërë edhe të pandehurit e tjerë, ku u tha se me Jahon kishte pasur marrëdhënie të mira e profesionale. Ndërsa Ismet Haxhia shtoi se një ditë para vrasjes së Hajdarit, ishte takuar rastësisht me Metën në Tiranë. Data 25 Korrik u caktua për vazhdimin e procesit./tvklan.al Gazetare – Eduart Frangaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/