2026-05-03 Aanddiens - Die tweede bede: Laat U koninkryk kom - Ds Pieter le Roux

AANDDIENS (18:00) Lees: 1 Korintiërs 15:20-28 Teks: Matteus 6:10 Belydenis: HK Sondag 48 Liturg: Ds Pieter le Roux Tema: Die tweede bede: Laat U koninkryk kom Sing: Ps. 145:1,8,12; Ps. 103:10,11; Ps. 72:2,6,9; SB 45:1,10,11,12 Daar bestaan ’n koninkryk waar slegs vrede oor die berge en heuwels sweef. ’n Koninkryk waar al die wat verstoot en gering is, opgehef sal wees tot heerlikheid. ’n Koninkryk waar geen ellende meer is nie. Dit is die koninkryk van Jesus Christus. Die koninkryk is reeds ingehuldig met Jesus se eerste koms na die aarde, maar daar is nog duisende rebelle wat teenstand bied teen Sy koninkryk. Wanneer ons bid ‘laat U koninkryk kom,’ dan bid ons dat die dag mag aanbreek waarop elke knie sal buig en elke tong sal erken dat Christus die Koning is!