Project H2O | Nominado: Ika-5 na Gawad Pangulo para sa Natatanging Serbisyo Publiko

Sulyap sa mga Nominado: Ika-5 na Gawad Pangulo para sa Natatanging Serbisyo Publiko Bilang pagkilala sa husay at dedikasyon ng ating mga komunidad sa unibersidad, ibinabahagi ng Padayon UP ang natatanging kwentong ito mula sa UP Manila. Kilalanin ang Project Help 2 Others (Project H2O) ng Mu Sigma Phi Fraternity ng UP College of Medicine, isa sa mga opisyal na nominado para sa parangal ngayong taon. Mula pa noong 2013, nagsisilbi ang Project H2O sa mga komunidad na naapektuhan ng kalamidad at mga lugar na may limitadong akses sa malinis na inuming tubig. Sa pamamagitan ng pamamahagi ng portable water filtration systems, natutulungan nitong magkaroon ng ligtas at malinis na tubig ang mga pamilyang nasa gitna ng pagbangon mula sa mga sakuna. Sa nakalipas na mga taon, nakapaghatid ang inisyatiba ng daan-daang filtration units sa iba't ibang panig ng bansa, na nakatulong sa libu-libong benepisyaryo. Higit pa sa agarang pagtugon sa pangangailangan, isinusulong din nito ang kamalayan sa kalusugan, kalinisan, at katatagan ng mga komunidad sa harap ng mga hamon. #GawadPangulo #NatatangingSerbisyoPubliko #UPManila #ProjectH2O