MLGP | Nominado: Ika-5 na Gawad Pangulo para sa Natatanging Serbisyo Publiko

Bilang pagkilala sa husay at dedikasyon ng ating mga komunidad sa unibersidad, ibinabahagi ng Padayon UP ang natatanging kwentong ito mula sa University of the Philippines Visayas Kilalanin ang Municipal Leadership and Governance Program (MLGP) ng UPV, isa sa mga opisyal na nominado para sa parangal ngayong taon. Sa pamamagitan ng tripartite partnership ng UPV, Department of Health (Philippines) (DOH), at Zuellig Family Foundation, ang 18-buwan, three-module na leadership program na ito ay dinisenyo upang gawing epektibong Bridging Leaders ang mga alkalde, municipal health officers, at iba pang pangunahing opisyal ng mga Local Government Units (LGUs) sa Region 6 (Western Visayas). Layunin nitong tugunan ang kritikal na kakulangan sa kapasidad ng ehekutibo sa mga LGUs, na naaayon sa Universal Health Care (UHC) Act at Sustainable Development Goals (SDG). Sa pamamagitan ng pagsasanay sa interdisciplinary LGU teams, nakakatulong ang inisyatibong ito upang makagawa ng solusyon at makapagsulong ng reporma sa pamamahala para sa mas matibay at pantay na sistema ng kalusugan. #GawadPangulo #NatatangingSerbisyoPubliko #UPV #MLGP