SARAI CeNTRO | Nominado: Ika-5 na Gawad Pangulo para sa Natatanging Serbisyo Publiko

Bilang pagkilala sa husay at dedikasyon ng ating mga komunidad sa unibersidad, ibinabahagi ng Padayon UP ang natatanging kwentong ito mula sa University of the Philippines Los Baños. Kilalanin ang SARAI CeNTRO ng UPLB School of Environmental Science and Management, isa sa mga opisyal na nominado para sa parangal ngayong taon. Sa pamamagitan ng makabagong teknolohiya at makaagham na datos, pinalalakas ng inisyatibong ito ang sektor ng agrikultura sa iba’t ibang komunidad sa bansa. Layunin nitong tulungan ang mga magsasaka na makagawa ng mas matalinong desisyon kaugnay ng pagtatanim, panahon, pamamahala ng pananim, at produksyon gamit ang climate and crop monitoring systems, remote sensing, at data driven technologies. Ipinapakita ng SARAI CeNTRO kung paano nagiging katuwang ng mga komunidad ang agham at inobasyon upang mapatatag ang seguridad sa pagkain, mapataas ang kita ng mga magsasaka, at makabuo ng mas matatag at sustenableng kinabukasan para sa agrikultura ng bansa. #GawadPangulo #NatatangingSerbisyoPubliko #UPLB #SESAM