KNU ကို အာဏာသိမ်းစစ်တပ်၊ BGF နဲ့ DKBA ပေါင်းပြီး ထိုးစစ်ဆင် (ရုပ်/သံ)

ကရင်အမျိုးသားအစည်းအရုံး (KNU) ထိန်းချုပ်ထားတဲ့ မြဝတီမြို့တောင်ဘက်ခြမ်းမှာ အာဏာသိမ်းစစ်တပ်နဲ့ ပူးပေါင်းအဖွဲ့တွေ အင်အားအလုံးအရင်းနဲ့ ထိုးစစ်ဆင်လာတာကြောင့် တိုက်ပွဲတွေ ပြင်းထန်နေတယ်လို့ KNU က ဧရာဝတီကို အတည်ပြုပါတယ်။ KNU ရဲ့ အတည်ပြုချက်အရ မင်းလက်ပံနဲ့ ဖလူးဒေသတွေကို စစ်တပ်ရဲ့ တပ်မ ၂၂၊ ကရင်နယ်ခြားစောင့်တပ် (BGF) တပ်နယ် ၄ က ဗိုလ်မှူးချုပ် စောမုတ်သုန်အဖွဲ့နဲ့ ဗိုလ်ဘိဦးဆောင်တဲ့ တိုးတက်သောဗုဒ္ဓဘာသာ ကရင်အမျိုးသား တပ်မတော် (DKBA) ခွဲထွက်အဖွဲ့တွေ ပူးပေါင်းပြီး အင်အား ၁,၀၀၀ နီးပါးနဲ့ ဇူလိုင်လ ၈ ရက် ညပိုင်းကစတင်ကာ အပြင်းအထန် တိုက်ခိုက်လာတာလို့ သိရပါတယ်။ အခုလို အာဏာသိမ်းစစ်တပ်ဘက်က အင်အားသုံး ထိုးစစ်ဆင်လာရတာဟာ ဒေါနတောင်အရှေ့ခြမ်း ထိုင်း- မြန်မာနယ်စပ်တလျှောက် လက်လွှတ်လိုက်ရတဲ့ စခန်းတွေကို ပြန်လည်ရရှိဖို့ ကြိုးပမ်းတာဖြစ်တယ်လို့ စစ်ရေးသတင်းရင်းမြစ်တွေက သုံးသပ်နေကြပါတယ်။ #မြန်မာ #ဧရာဝတီ #KNU #KNLA #DKBA #BGF #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation