Arrestimi i Gëzimit të Kashtës, Ministria e Drejtësisë përgënjeshtron Sollakun - (28 Prill 2006)

Lajme arkiva 2006 Një ditë pas prangosjes së Gëzim Salillarit, i njohur si Gëzim i Kashtës, Ilir Sukaj dhe Artur Vaqos. Ministria e Drejtësisë njofton, se për arrestimin e të shumë kërkuarve ky institucion i ka përcjellë 3 muaj më parë një kërkesë të tillë prokurorisë së përgjithshme por organi i akuzës nuk ka pranuar. Ndryshe nga ç’deklaroj një ditë më parë për televizionin Klan kryeprokurori Theodhori Sollaku, se për Gëzimin e Kashtës nuk ka patur urdhër arresti, ndaj të pandehurit ka dy urdhra arreste të lëshuara nga drejtësia italiane edhe të pa ekzekutuara. Theodhori Sollaku: “Janë bërë disa arrestime në Durrës, nga informacionet që kam unë ende policia nuk ka lëshuar letrat deri në 07:30 në prokurori. Megjithëse thanë se është bashkëpunim me prokurorinë e krimeve të rënda.” Blendi Fevziu: Pra policia ka arrestuar pa mandat arresti? Theodhori Sollaku: “Pa mandat arresti ka bërë në kushtet e ndalimit, por në ekzekutim të një urdhër të Interpolit të vitit 2000-2001. Në bazë të kushtetutës sonë, shtetasit shqiptar nuk mund të ekstradohen dhe këto urdhër arreste kanë qenë këtu nuk janë ekzekutuar sepse Kushtetuta ndalon kalimin, dërgimin e personave, shtetasve shqiptar jashtë shtetit.” Menjëherë pas kësaj ka reaguar prokuroria e përgjithshme e cila nëpërmjet një deklarate thekson se për rastin e 3 arrestimeve ka ndërmarrë veprimet procedurale dhe për vërtetimin e akteve të sipër përmendura. Si dhe ka kërkuar me letër porosi përcjelljen e akteve italiane, por sipas akuzës duhet një koordinim më i mirë për transmetimin zyrtar të tyre./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/