Sillet para Gjykatës së Krimeve të Rënda pas ekstradimit, Lulzim Berisha-(11 Korrik 2006)

Lajme Arkiva 2006 45-vjeçari Lulzim Berisha, i njohur ndryshe dhe si Lul Berisha, u soll para Gjykatës së Krimeve të Rënda dy ditë pas ekstradimit të tij nga Maqedonia. Të vetmet fjalë që ai shqiptoi para togave të zeza kanë lidhje me identitetin e tij. Pas hekurave të kafazit ai tha: “Po, unë jam Lul Berisha”. Ndryshe nga të gjitha masat e zakonshme të sigurisë Gjykata e Krimeve të Rënda i komunikoi atij në orët e vona të mbasdites masën e dhënë në mungesë, atë të arrestit me burg. 45-vjeçari nga Durrësi u soll nga policia e burgjeve të 302-shit, punonjësit e të cilit ishin pajisur me antiplumb dhe armatime të shumta. Atij iu komunikuan me dyer të mbyllura në prani vetëm të avokatit mbrojtës, Arben Qeleshi, grupit të prokurorëve dhe gjykatësve akuzat që i adresohen. Ekstradimi i Lul Berishës u bë të dielën në sekret të plotë dhe masa të jashtëzakonshme sigurie, ku përveç makinave të blinduara shoqërimin e tij nga Tushemishti e bënë edhe forcat speciale të RENEA-s. Ai është arrestuar dhe do të gjykohet së bashku me pjesëtarët e grupit të tij për akuzat e rënda të gjashtë vrasjeve e tre plagosjeve, mes të cilave ekzekutimi i Dritan Sollakut, Arjan Pajës, Viron Currit, Eduard Ongarit, Marsel Sotirit dhe kundërshtarit në bandë, Klodian Salihut./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/