Vihet në pranga i shumëkërkuari Lulzim Berisha nga policia maqedonase-(6 Prill 2006)

Lajme Arkiva 2006 Policia maqedonase e hedh në pranga të akuzuarin si kapo i bandës së Durrësit, Lulzim Berisha. I njohuri ndryshe si Lul Berisha u kap në orët e mesditës teksa fshihej në qytetin e Tetovës. Arrestimi i tij u bë pas shpalljes në kërkim ndërkombëtar për një seri akuzash të rënda mes të cilave vrasje, trafik droge, prostitucion, krijim dhe drejtim të organizatës kriminale. Sokol Olldashi: “Akuzohet gjithashtu për vrasjen e 17 Tetor të ’98-tës të Dritan Sallakut dhe plagosjen e Ilir Nelës dhe Agim Rexhepit, për vrasjen e 29 Tetorit të ’98-tës të Arjan Pajës dhe Viron Currit dhe plagosjen e Marsel Sotirit. Për vrasjen në 5 Korrik të ’99-tës, Eduard Ongarit, për vrasjen më 22 Gusht të vitit ’99 të Marsel Sotirit dhe vrasjen më 25 Shkurt 2005 të Klodian Salihut. Arrestimi i Lulzim Berishës sot në Maqedoni mbyll goditjen e një grupi të strukturuar kriminal që ka... prej vitesh qytetin e Durrësit”. Lul Berisha, i cili sipas prokurorisë më parë jetonte dhe drejtonte bandën e tij nga qyteti i Durrësit, bie në pranga pas një operacioni të nisur në 18 Mars. 42-vjeçari mes të tjerash akuzohet të ketë urdhëruar ekzekutimin e Klodian Salihut, ish rival në bandë, ndërsa ndaj tij në kronologjinë e ngjarjeve numërohen edhe katër atentate të dështuara. Pas shpalljes në kërkim të tij dhe dy bashkëpunëtorëve të tjerë Prokuroria e Krimeve të Rënda ka urdhëruar sekuestrimin e pronave në qytetin bregdetar./tvklan.al Gazetare: Anila Hoxha SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/