"WAHITIMU WALIOSOMA NJE RUDINI MJENGE ZANZIBAR, SI KUKIMBILIA MISHAHARA MIKUBWA"

Serikali ya Mapinduzi ya Zanzibar imewataka wanafunzi waliorejea nchini baada ya kuhitimu masomo yao nje ya nchi kutumia elimu na ujuzi walioupata kuichangia Zanzibar badala ya kukimbilia ajira zenye mishahara mikubwa katika taasisi binafsi au nje ya nchi. Wito huo umetolewa na Katibu Mkuu wa Wizara ya Elimu na Mafunzo ya Amali Zanzibar, Khamis Abdulla Said, wakati wa mapokezi ya wahitimu watatu waliorejea kutoka Ras Al Khaimah, Falme za Kiarabu (UAE) katika Uwanja wa Ndege wa Kimataifa wa Abeid Amani Karume. Baada ya zaidi ya miaka mitatu ya masomo, wahitimu hao wa Shahada ya Uhandisi wa Usindikaji wa Kemikali (Chemical Engineering) wamerejea nchini wakiwa na dhamira ya kutumia taaluma na maarifa waliyojifunza kuchangia maendeleo ya Zanzibar na kuongeza thamani katika sekta mbalimbali za uzalishaji na viwanda. Wahitimu hao ni Zainab Masoud Hussein, Marco Andrea Masabuda na Saleh Makungu Juma, ambao wamehimizwa kuwa mfano kwa vijana wengine kwa kutumia elimu yao kuleta ubunifu, kuanzisha miradi ya maendeleo na kusaidia kuijenga Zanzibar yenye uchumi imara na ushindani. #Zanzibar #Elimu #Wahitimu #ChemicalEngineering #UAE #Maendeleo #Ajira #AsamOnlineTV #SisiNiJamii