RASMI: NAULI ZA DALADALA ZAPANDA KUTOKA SH. 500 HADI 700 KUANZIA AGOSTI 1

Serikali ya Mapinduzi ya Zanzibar imetangaza ongezeko la nauli za usafiri wa umma barabarani kwa wastani wa asilimia 16, ambapo viwango vipya vitaanza kutumika rasmi kuanzia Agosti 1, 2026. Akizungumza na waandishi wa habari, Waziri wa Ujenzi na Uchukuzi Zanzibar, Dkt. Khalid Salum Mohammed, amesema nauli ya daladala imeongezeka kutoka shilingi 500 hadi 700, huku mabasi ya umeme yanayoanza kutoa huduma kuanzia Agosti 1, 2026 nayo yakitoza shilingi 700 kwa kila abiria. Aidha, amesema wanafunzi, wazee na watu wenye ulemavu watanufaika na nauli maalum ya shilingi 350, ambapo watapatiwa vitambulisho maalum vitakavyowawezesha kupata huduma hiyo kwa viwango vilivyopangwa. Dkt. Khalid amesema marekebisho hayo yamezingatia hali halisi ya uendeshaji wa huduma za usafiri, huku akiwataka waendeshaji wa vyombo vya usafiri kuzingatia sheria za usalama barabarani, kutoa huduma bora na kuchangia kupunguza ajali barabarani. #NauliMpya #Daladala #Zanzibar #Usafiri #MabasiYaUmeme #Agosti12026 #AsamOnlineTV #SisiNiJamii