UDOM YAFUTA KOZI TISA ZA UALIMU, WADAU WATOA MAONI ATHARI HASI/ CHANYA

Wadau wa elimu nchini wametoa maoni tofauti mara baada ya Chuo Kikuu cha Dodoma (Udom) kusitisha udahili wa wanafunzi katika programu tisa za shahada ya kwanza za ualimu kwa mwaka wa masomo 2025/2026 ikiwemo ualimu wa Sayansi, Saikolojia, Biashara, Sanaa, Mafunzo ya Habari na Mawasiliano, pamoja na Elimu ya Watu Wazima. Mpaka sasa chuo cha UDOM bado hakijaweka wazi sababu za kufikia maamuzi hayo ambapo Nukta TV ilifanya jitihada za kupata ufafanuzi wa jambo hilo na Afisa habari wa chuo hicho Rose mdami ameeleza kuwa taarifa rasmi ya chuo itatoka baada ya wao kupokea majibu ya barua waliyoiandika kwenda Tume ya Vyuo Vikuu Tanzania (TCU).