પૈસા કમાવવા હોય તો અમેરિકા જ જવું પડે!

શું પૈસા કમાવવા હોય, લાઈફમાં સફળ થવું હોય અને સારી જિંદગી જીવવી હોય તો અમેરિકા કે પછી બીજા કોઈ દેશમાં જ જવું પડે? જેમને ઈન્ડિયા છોડવાનો ચાન્સ નથી મળ્યો તે લોકો આ વાત સાથે જરાય સહમત નહીં થાય અને જે વિદેશ જઈને સફળ થયા છે તે ઈન્ડિયા પાછા આવવા માટે કદાચ ક્યારેય તૈયાર નહીં થાય. માનો કે ના માનો પણ આપણા દેશમાં મોટાભાગનાં લોકોની આખી જિંદગી લોનના હપ્તા ભરવામાં, બાળકોને મોટા કરવામાં, ગામની પંચાત કરવામાં અને લાઈનોમાં ઉભા રહેવામાં જ નીકળી જાય છે જ્યારે અમેરિકામાં લોકો સંઘર્ષ કરવાની સાથે જિંદગીને ખરા અર્થમાં જીવે છે.