ગ્રીન કાર્ડ માટે એપ્લાય કરનારા સાવધાન રહે!!

અમેરિકાના ઈમિગ્રેશન એટર્નીઝને જે વાતનો ડર હતો તે હવે સાચી પડતી દેખાઈ રહી છે, આ સ્થિતિમાં જો તમારો ગ્રીન કાર્ડનો ઈન્ટરવ્યુ થોડા જ દિવસોમાં શિડ્યૂલ હોય તો હવે તમારે ખાસ સાવધાન રહેવું પડશે. યુએસની અંદરથી જ એડજસ્ટમેન્ટ ઓફ સ્ટેટસ માટે એપ્લાય કરનારા ઘણા લોકોની એપ્લિકેશન્સ હાલના દિવસોમાં નકારવામાં આવી રહી છે અને તેમાંય ખાસ તો જે લોકોએ અગાઉ ઈમિગ્રેશન લૉનો ભંગ કર્યો છે તેમની મુશ્કેલી ખૂબ જ વધી ગઈ છે. ન્યૂયોર્કમાં પ્રેક્ટિસ કરતા ડેરિયન પોયાન નામના એક ઈમિગ્રેશન લૉયરનું માનીએ તો જેમના સ્ટ્રોંગ ફેમિલી કનેક્શન હોય અને બેકગ્રાઉન્ડ ઓકે હોય તેવા લોકોને પણ ગ્રીન કાર્ડ આપવાનો ઈનકાર કરવામાં આવી રહ્યો છે. ન્યૂયોર્ક ટાઈમ્સ અને વોશિંગ્ટન પોસ્ટમાં પણ આ અંગેના રિપોર્ટ હજુ થોડા દિવસો પહેલા જ આવ્યા હતા પરંતુ અમેરિકાની સરકાર તેના વિશે સ્પષ્ટ શબ્દોમાં કંઈ બોલવા માટે તૈયાર નથી.