‘અમેરિકાની સરકારે ખોટા કેસમાં ફસાવીને ડિપોર્ટ કરી મારી જિંદગી બરબાદ કરી’

ડિસેમ્બર 2025માં અમેરિકાથી ડિપોર્ટ થયેલા જિગર પટેલ નામના એક ગુજરાતીનું કહેવું છે કે તે જે ફાર્મસીમાં કામ કરતો હતો તેના પર મેડીકેર ફ્રોડનો આરોપ લાગતા તેની પણ ધરપકડ કરી ગુનો કબૂલ કરવા ફરજ પડાઈ હતી. જોકે, 11 મહિનાની સજા ભોગવી લીધા બાદ તેની સામેનો મામલો સરકારે પડતો મૂક્યો હતો પરંતુ જુલાઈ 2025માં ફરી તેને ઈમિગ્રેશનના કેસમાં અરેસ્ટ કરીને છેક ડિસેમ્બર 2025માં ડિપોર્ટ કરી દેવાયો હતો. DHSએ જિગર પટેલને વર્સ્ટ ઓફ વર્સ્ટ ક્રિમિનલ્સના લિસ્ટમાં સામેલ કર્યો છે પરંતુ જિગરનો હાલ યુએસમાં કોઈ ક્રિમિનલ રેકોર્ડ જ નથી!