UCHAGUZI WA SERIKALI YA WANAFUNZI HORIZON INSTITUTE OF TECHNOLOGY

Ndg. Abdulatif Khamis Faki amechaguliwa kuwa Rais wa Serikali ya Wanafunzi wa Horizon Institute of Technology baada ya kuibuka mshindi katika uchaguzi uliofanyika chuoni hapo, Kijambia, Wilaya ya Magharibi "A", Mkoa wa Mjini Magharibi. Akitangaza matokeo ya uchaguzi huo, Mwenyekiti wa Tume ya Uchaguzi, Mohamed Issa Abdalla, amesema jumla ya kura 441 zilipigwa, ambapo Abdulatif Khamis Faki alipata kura 146 na kutangazwa rasmi kuwa Rais mteule wa Serikali ya Wanafunzi wa chuo hicho. Akizungumza baada ya kutangazwa mshindi, Abdulatif amesema atatekeleza ahadi alizozitoa wakati wa kampeni kwa kushirikiana na uongozi wa chuo kuboresha mazingira ya kujifunzia, kuimarisha ustawi wa wanafunzi na kuhakikisha elimu yenye ubora inaendelea kutolewa. Kwa upande wao, wagombea wenzake wa nafasi ya urais, Ndg. Aisha Saleh Said na Ndg. Mshibe Ali Haji, wamempongeza rais mteule na kueleza utayari wao wa kushirikiana naye katika kutekeleza maslahi ya wanafunzi na maendeleo ya chuo. Naye Makamu Mkurugenzi wa Horizon Institute of Technology, Yussuf Hamad Omar, amesema uongozi wa chuo utaendelea kushirikiana na serikali ya wanafunzi ili kujenga mazingira bora ya kujifunzia na kuwajengea wanafunzi maarifa na ujuzi unaokidhi mahitaji ya soko la ajira. #Zanzibar #HorizonInstitute #Uchaguzi #SerikaliYaWanafunzi #Elimu #Vijana #AsamOnlineTV #TrendingNow