Khit Thit Evening News | May 22, 2026

Khit Thit သတင်းဌာန၏ မေ ၂၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၂ ရက် ညနေပိုင်း တင်ဆက်ပေးမယ့် သတင်းတွေကတော့ ကမ္ဘာ့ အင်အားကြီးနိုင်ငံတွေက နိုင်ငံငယ်တွေကို လွှမ်းမိုးချုပ်ကိုင်နိုင်ရေးအတွက် အသွင်မျိုးစုံတဲ့ ချဉ်းကပ်နေတယ်ဆိုပြီး အာဆီယံတပ်ချုပ်အစည်းအဝေးမှာ အကြမ်းဖက် စစ်ခေါင်းဆောင်သစ် ရဲဝင်းဦးက အွန်လိုင်းကတဆင့် သွားပြောနေပြန်ပါတယ်။ စစ်ကိုင်းတိုင်းက မုံရွာမြို့အခြေစိုက် အကြမ်းဖက် စစ်တပ်ရဲ့ အနောက်မြောက်တိုင်း စစ်ဌာနချုပ်- နမခ ထဲကို တော်လှန်ရေးတပ်တွေက ၁၀၇ မမ ရှော့တိုက်ဒုံးတွေနဲ့ တိုက်ခိုက်မှုအတွင်း စစ်တပ်ဘက်က အရာရှိကြီးအချို့အပါအဝင် ၈ ဦးဝန်းကျင်ကတော့ အသီးသီး သေကုန်ကြပြီလို့ NUG ပြည်ထဲရေး ဒုဝန်ကြီး ဦးကျော်နီ က ရန်ကုန်ခေတ်သစ်ကို ပြောပါတယ်။ စစ်ကိုင်းတိုင်းက အင်းတော်မြို့နယ်နဲ့ မော်လူးမြို့နယ်တွေမှာ အကြမ်းဖက် စစ်တပ်နဲ့ တော်လှန်ရေး တပ်တွေအကြား တိုက်ပွဲတွေ ပြင်းထန်နေပြီး စစ်တပ်က လေယာဉ်နဲ့ ဗုံးကျဲတိုက်ခိုက်မှုတွေကြောင့် ပြည်သူ ၂ ဦးလည်း သေဆုံးထားတယ်လို့ စစ်ရေးသတင်းရင်းမြစ်နဲ့ ဒေဿခံတွေက ရန်ကုန်ခေတ်သစ်ကို ပြောပါတယ်။ အမေရိကန်နဲ့ ထိုင်ဝမ်အကြား တရားဝင်ဆက်သွယ်မှုတွေနဲ့ လက်နက်ရောင်းချတာကို “ပြင်းပြင်းထန်ထန် ကန့်ကွက်တယ်” လို့ တရုတ်အစိုးရက ပြောနေတဲ့အချိန်မှာပဲ အမေရိကန်သမ္မတ ထရမ့်က ထိုင်ဝမ်ခေါင်းဆောင်နဲ့ စကားပြောမယ်လို့ ထုတ်ပြန် ပြောဆိုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။